Kacer

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kacer
Kacer lanangan ing Kalkuta
Status konsèrvasi
Klasifikasi èlmiah
krajan: Animalia
filum: Chordata
kelas: Aves
ordo: Passeriformes
kulawarga: Muscicapidae
Genus: Copsychus
Species: C. saularis
Jeneng binomial
Copsychus saularis
(Linnaeus, 1758)

Kacer kalebu manuk ocèh-ocèhan cilik kang sakdurungé kalebokaké ing keluarga Turdidae (murai), ananging saiki kaanggep ing jinis Muscicapidae. Nduwèni rupa ireng lan putih, buntuté dawa lan kaangkat menawa sesaba ing lemah lan kadang uga nalika mencok. Manuk iki akèh tinemu ing Asia Kidul lan Asia Kidul-wétan. Umumé manuk iki akèh dunungé ing taman kutha, gampang dikenali merga ocèhané.

Manuk iki asring uga kaarani kucica kampung', murai, murai kampung lan ing basa Inggris diarani Oriental Magpie Robin


Jinis ras kacer lan sebarane ing Indonesia[sunting | sunting sumber]

Copsychus saularis musicus[sunting | sunting sumber]

Papan sumebare ing pulo Sumatra, kalebu pulo-pulo cilik ing sakupenge kaya pulo Simeulue, Nias, Batu, Bangka, lan Belitung; banjur ing Jawa Kulon, sarta wewengkon kidul lan kulon Kalimantan. Saliyane ing Indonesia, jinis iki uga sumebar ing Semenanjung Malaysia lan Thailand sisih kidul. Ras iki sering disebut minangka kacer dhadha putih, utawa kacer poci / sekoci.

Copsychus saularis amoenus[sunting | sunting sumber]

Wewengkon sumebare jinis iku yaiku ing wewengkon wetan pulo Jawa lan ing Pulo Bali. Ras iki kalebu jinis kacer dhadha ireng, lan mung siji-sijine ras kacer dhadha ireng kang habitate ing sanjabaning pulo Kalimantan.

Copsychus saularis pluto[sunting | sunting sumber]

Ras iki sumebare mung ing Pulo Kalimantan, mligine ing sisih lor, wetan, lan wetan-kidul. Uga ana ing Pulo Maratua, yaiku pulo cilik sacedhake Pulo Kalimantan.

Pigunan[sunting | sunting sumber]

Manuk kacer minangka fauna idhèntitas saka Kabupatèn Kulonpraga.

Referensi[sunting | sunting sumber]

  1. ^ BirdLife International (2004). Copsychus saularis. 2006 IUCN Red List of Threatened Species. IUCN 2006. Diakses 12 May 2006.

Pranala njaba[sunting | sunting sumber]

Logo Wikimedia Commons
Pirsani galeri bab Kacer ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Kacer&oldid=869779"