Kabupatèn Lamongan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kabupatèn Lamongan
Lambang Lamongan.jpg
Lambang Lamongan
Motto: "Memayu Raharjaning Praja"
Locator kabupaten lamongan.png
Dina Dadi: ...
Ibukutha: Lamongan
Bupati: Masfuk, SH
Wakil Bupati: Drs. Tsalis Fahami, MM
Jembar
 - Total:

1.812,80 km²
Kecamatan
 - Cacahe:

27 Kecamatan
Pedunung
 - Total:
 - Kapadhetan:

1.365.402 (31 mei 2005)
+/- 682 jiwa/km²
Suku bangsa: wong Jawa
Agama: Kejawen, Islam, Protestan, Katolik, Hindu lan Buddha
Basa: basa Jawa lan basa Indonesia

Kabupatèn Lamongan, mujudaken satunggaling kabupatèn ingkang dumunung wonten Provinsi Jawi Wétan, Indonesia. Ibukithanipun inggih meniko Lamongan. Kabupaten meniko ugi wewatesan kaliyan Seganten Jawi wonten sisih lèr, Kabupatèn Gresik wonten sisih wétan, Kabupatèn Mojokerto kaliyan Kabupatèn Jombang wonten sisih kidul, Kabupaten Bajanegara kaliyan Kabupatèn Tuban wonten sisih kilèn.

Geografis[sunting | sunting sumber]

Lamongan mujudaken satunggaling Kabupaten ingkang dumunung wonten pesisir ler Jawi Wetan. Saperangan wewengkon pesisir arupi wewengkon pagunungan. Wewengkon meniko amujutaken rerangkenipun pagunungan kapur ler. Wonten bagian tengah arupi dataran andap ingkang sitinipun mboten roto, lan saperangan malih arupi siti bono rowo. Wonten perangan sisih kidul wonten pagunungan ingkang mujutaken pungkasanipun rerangken Pegunungan Kendeng wonten iring wetan, Bengawan Solo mili wonten perangan sisih ler.

Pemerentahan[sunting | sunting sumber]

Kabupatèn Lamongan kaperang dados 27 kecamatan, ugi kapérang malih dados pinten-pinten désa lan kelurahan. Punjering pamrentahan wonten ing kecamatan Lamongan.

Perekonomian[sunting | sunting sumber]

Tetanèn mujudaken satunggaling sektor perekonomian ingkang penting sanget wonten Kabupaten Lamongan. Wewengkon pesisir mujudaken wewengkon perkembangan GERBANGKERTOSUSILA (singkatan saking nami kitha-kitha GRESIK, BANGKALAN, MOJOKERTO, SURABAYA, SIDOARJO lan LAMONGAN).

Angkutan[sunting | sunting sumber]

Kabupaten Lamongan dipun langkungi margi ageng Pantura ingkang saget nggubungaken kitha JakartaSurabaya, ingkang nglangkungi saurutipun pesisir seganten ler. Margi meniko ugi nglangkungi Wewengkon Kec.Paciran ingkang anggadhahi kathah panggenan pariwisata. Kitha Lamongan ugi dipun langkungi margi ageng Surabaya – CepuSemarang. Kitha Babat mujudaken persimpangan margi antawis Surabaya - Semarang kaliyan margi Malang - Jombang - Tuban. Lamongan ugi dipun langkungi margi kereta api jalur ler Pulo Jawa.

Plesir[sunting | sunting sumber]

Lamongan anggadhahi panggenan damel rekreasi ingkang sae tur edi. Ing wewengkon pesisir wonten panggenan wisata ingkang arupi Monumen Van der Wicjk, Waduk Gondang Pantai Tanjung Kodok lan Wisata Bahari Lamongan utawa Jatim Park-2. Goa Maharani teng Kecamatan Paciran, wonten pinggirane jalur utomo pantura (margi dalan Daendels ingkang kasebut dalan Anyer - Panarukan), yoiku guo kapur ingkang sae. mboten tebih saking Gua Maharani, wonten Makam Sunan Drajat lan Makam Sunan Sendang Duwur, yoiku wali ingkang nyebar agama Islam wonten Pulo Jawa. Kekalih pasareyan meniko anggadhahi seni arsitektur ingkang sanget acorak Majapahit, sacelakipun pasareyan wonten Museum Sunan Drajat.

Rupa–rupa[sunting | sunting sumber]

Lamongan kawentar anggadhahi dhedaharan ingkang khas ingkang cekapdipun kenal lan saget dipun panggihi wonten saindewnging tlatah ing Jawi Wetan, upaminipun soto Lamongan, sekul boranan, tahu campur Lamongan. Wingko Babat mujutaken Jajanan khas saking kitho Babat. Salintunipun meniko ugi wonten jajanan khas saking wewengkon Kec.Paciran ingkang kasebat Jumbreg. Salintunipun jumbreg ,Paciran ugi mujutaken wewengkon ingkang ngasilaken who siwalan enem ingkang biasa dipun sebat ental.

Mangga Kapurih Ugi Mriksani[sunting | sunting sumber]

Pranala Jaba[sunting | sunting sumber]

bali menyang: Jawa Wétan