Kaérut

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kaérut (Garut)
Kaérut, Maranta arundinacea
miturut F.M. Blanco, Flora de Filipinas
Klasifikasi èlmiah
krajan: Plantae
(unranked): Angiosperms
(unranked): Monocots
(unranked): Commelinids
ordo: Zingiberales
kulawarga: Marantaceae
Genus: Maranta
Species: M. arundinacea
Jeneng binomial
Maranta arundinacea
L.

Kaérut utawa Garut, ararut utawa irut (Maranta arundinacea)iku sajinis tetanduran awangun terna sing ngasilaké uwi sing bisa dipangan. Kaérut ora tau dadi sumber pangan pokok nanging kerep ditandur ing pekarangan ing padésan minangka cadhangan pangan jroning mangsa paceklik. Jeneng-jeneng dhaérah antara liya: sagu (Plg.); sagu bamban (Bat.); sagu belanda, sagu betawi, ubi sagu (Mly.); sagu rarut (Mink.). Juga, patat sagu, larut (Sd.); angkrik, garut, gaerut, irut, larut, rarut, jlarut, klarut, waerut (Jw.); kaérut, arut, larut, laru, salarut (Md.); krarus, marus (Bal.); arerut towang, tawang, labia walanta, pi walanda (basa-basa ing Sulut); péda-péda, péda sula, huda sula, hula moa (basa-basa ing Malut).[1]

Pamerian[sunting | sunting sumber]

Ditadur ing pekarangan omah, Banyumas

Terna menaun, tegak, kanthi wit sing cabang menggarpu, dhuwur 40–100 cm. Rimpangé empuk lan engkak, mawa daging, kaputih-putihan utawa semu abang kanthi sisik godhong putih semu abang. Godhong mawa tangkai dawa, mawa pelepah ing pangkalé lan tansaya kandel, kanthi helaian awangun lonjong kanthi pucuk lancip. Kembang majemuk jroning malai terminal (ing pucuk wit), zigomorfik,awarna putih. Woh lonjong, abang tuwa, gundhul nganti mawa rambut.[2][3]

Kagunan[sunting | sunting sumber]

Kue tepung garut saka Réunion

Garut utamané ditandur kanggo dijupuk uwiné, sing ngasilaké pathi kanthi kualitas dhuwur, kanthi ukuran alus lan regané larang [4]. Rimpang garut uga bisa didadèkaké sumber karbohidrat alternatif kanggo ngganti glepung trigu[5]. Rimpang segar mengandung air 69–72%, protein 1,0–2,2%, lemak 0,1%, pati 19,4–21,7%, serat 0,6–1,3% dan abu 1,3–1,4%[6].

Tanduran garut hias

Glepung garut becik kanggo dikonsumsi déning wong sing lemah utawa sing nembé mari seka lara, amarga gampang dicerna déning panandhang masalah weteng utawa masalah usus. Glepung iki uga dipigunakaké minangka pengenyal manéka jinis panganan, bumbu, sup, gula-gula, masakan lan panganan panutup kayata puding lan ès krim. Bubur saka rimpang sing isih seger dipigunakaké minangka obat olès tatu lan tatu mawa nanah; pathiné dicampur karo banyu utawa susu dipigunakaké kanggo ngobati masalah-masalah weteng (contoné ngobati keracunan) lan diaré. Kabèh bagéan rimpang sing durung ngandhut serat bisa dipangan kanthi cara dikukus utawa dipanggang luwih dhisik.[3]

Bubur sing diasilaké saka rimpang dipigunakaké jroning pabrik kertas, karton, bantal lan papan témbok, lan pathiné minangka bahan dhasar wedhak, lem lan sabun. Ampas sisa gawé glepung dimupangataké kanggo pakan sato iwèn lan pupuk. Godhongé dipigunakaké minangka pambungkus. Sauntara iku, sapérangan kultivar garut kanthi godhong sing warnané merak ati disenengi uga minangka tanduran hias.[3]

Cathetan sikil[sunting | sunting sumber]

  1. ^ Flag of Austria Austria Tumbuhan Berguna Indonesia, jil. 1:608-610 Terj. Yayasan Sarana Wana Jaya, Jakarta
  2. ^ Flag of Austria Austria Tumbuhan Monokotil. Penebar Swadaya, Jakarta. Hal. 90-91
  3. ^ a b c Flag of Austria Austria Maranta arundinacea L. PROSEA 9: Plants yielding non-seed carbohydrates. Bogor. p.113-116
  4. ^ Flag of Austria Austria Analisis Keragaman Genetik Maranta arundinacea L. Berdasarkan Penanda Molekuler Rapd (Random Amplified Polymorphic DNA). Jurnal Sains dan Teknologi Indonesia, Vol 5(5): 209-218, Agustus 2003. (abstrak)
  5. ^ Flag of Austria Austria dalam Sastra, D.R. 2003. Op. cit.
  6. ^ Flag of Austria Austria dalam Abun. 2005. Efek Fermentasi Ampas Umbi Garut (Maranta arundinacea Linn.) dengan Kapang Aspergillus niger terhadap Nilai Kecernaan Ransum Ayam Pedaging. Artikel ilmiah pada Fakultas Peternakan UNPAD. (tidak diterbitkan)

Pranala jaba[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Kaérut&oldid=748505"