Kécol
Kécol utawi kidal inggih menika langkung asring ngginakaken asta kiwa.[1][2] Miturut téori kasehatan dipunjlentrehaken, bilih kécol utawi lefthanded inggih menika tiyang ingkang saben dintenipun ingkang wonten gegayutanipun kaliyan anggota gerakipun, tansah utawi asring ngginakaken asta kiwanipun lan ngraos sakeca tinimbang menawi ngangge asta tengen.[1] Kécol ugi asring dipungayutaken déning ahlinipun boten namung astanipun ananging ugi samparanipun, ananging menika kirang lazim, amargi samparan menika asringipun boten nggadhahi spesifikasi kiwa utawi tengen wonten ing saben aktivitas.[1] Ananging, wonten risét ingkang nyebataken bilih meh sedaya kasus asta kécol ugi wonten kacenderungan ngginakaken samparan kiwa, lan rata-rata sedaya menika sampun wonten wiwit lair.[1] Kécol ugi wonten ingkang dipunsebabaken amargi nggadhahi kepenginan nyinaoni piyambak lan kabiasaan.[1] Tiyang ingkang kécol biasanipun langkung kathah ngginakaken asta kiwa tinimbang tengenipun[2] ingkang sampun dados konsensus global wonten ing masalah etika kangge aktivitas penting ing saben dintenipun kados, nyerat, nyepeng, lan sanèsipun.[1] Wonten pamanggih bilih menawi kécol menika nerak angger-angger (aturan) lan kirang sopan.[1] Ananging, sejatosipun kécol menika sanès golongan cacat utawi kelainan kados limrahipun, ugi sanes kalebet penyakit.[1]
[sunting] Cathetan Suku
[sunting] Pranala Njawi
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
