Kèrsen

Saka Wikipédia Jawa, bauwarna mardika basa Jawa
Aksara Latin
     
Kersen
Wit kersen
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Malvales
Famili: Muntingiaceae
Génus: Muntingia
L.
Spésies: M. calabura
Jeneng binomial
Muntingia calabura
L.

Kèrsen (Muntingia calabura) (Jawa: ꦏꦺꦂꦱꦼꦤ꧀, Indonésia: ceri) ya iku buah cilik kang manis, duwé basa Latin Muntingia calabura L, ing wewengkon liya uga diarani Talok.[1] Ing sadhéngah papan ing Jakarta, woh iki uga diarani cèri.[1] Jeneng liyané ya iku datiles (Filipina) lan kerukup siam (Malaysia).[1] Uga misuwur minangka Singapore cherry (Inggris) lan Japanse kers (Walanda) ya iku nagara asal jeneng kèrsen iki.[1] Ing Srilangka, Kersen padatan diawètaké lan digawé selai jam fruit.[1] Ing Mexico, padatan padha didol ing pasar-pasar.[1] Ing Asia Tenggara, woh iki akèh diprangguli ing pinggir dalan, mligi wewengkon kang panas lan garing.[1] Kersen bisa urip ing sadhengah papan ing ngendi waé wit bisa urip.[1] Woh kersen uga disenengi déning kéwan-kéwan kaya lawa (kelelawar) kang jinisé Codot Krawar (Cynopterus brachyotis), manuk Cabai Jawa, lan merbah cerucuk.[2] Saliyané seneng mangan woh kersen, kéwan-kéwan iki uga mèlu nyebaraké winih kersen saèngga kersen bisa urip ing sadhèngah papan.[1] Wit kersen iku ana kang cilik, uga ana kang ngrembuyung gedhé.[3] Sing gedhé bisa nganti 12 mèter.[3] Godhonge tansah ijo royo-royo, ngembang, lan woh saben wektu.[3] Pang-pangé lurus ngrembuyung gawé adhum.[3] Ing pang cilik lan godhongé ana rambut-rambut tipis.[3] Godhong kersen iku miturut struktur duwé balung menyirip, godhongé ora simetris lan pinggiré ora rata alus.[3] Kembangé ya ngrembuyung saben panggonan pojok pang watara 1-5 kembang.[3] Pange dawa, kelamin dua, lan wilangan 5, kelopak berbagi dalam, taju nglancip wujud benang, duwé rambut alus; makutha bertepi rata, bunder ndhog kuwalik, putih tipis, gundhul, lk. 1 cm.[3] Benang sari akèh, 10 nganti 100 iji.[3] Kembang kang mekar kétok metu.[3] Wohé kira-kira gedhéné 1,5 cm. Yèn mateng wernané abang lan legi.[3]

Lukisan kersen miturut F.M. Blanco, Flora de Filipinas
Kembang Kersen

Kandhutan Gizi[besut | besut sumber]

100 gram woh kersen ngandhut: Banyu (77,8 g, Protein (0,324 g), Lemak (1,56 g), Serat (4,6 g), Kalsium (124,6 mg), Fosfor (84,0 mg), Zat besi (1,18 mg), Karotin (0,019 mg) , Vitamin B1 (Tiamin) (0,065 mg), Riboflavin (0,037 mg), Niacin (0,554 mg), lan Vitamin C (Ascorbic Acid atau antioksidan) (80,5 mg).[4]

Woh Kersen

Woh Kersen duwé gizi kang akèh, mula duwé kagunan, ya iku:[besut | besut sumber]

  1. Antiseptik utawa antibakteri.[4] Kanthi ngombé banyu godhogan godhong Kersen, bisa matèni bakteri-bakteri kang bisa marakake lelara, antarané bakteri C. Diptheriae, S. Aureus, P. Vulgaris, S. Epidemidis, dan K. Rhizophil.[5] Godhong Kersen bisa dadi antisèptik amarga duwé senyawa ya iku tanin, flavonoids dan saponin yang dimilikinya.[5]
  2. Antispasmodik (kejang ing saluran cerna amarga diare, gastritis)
  3. Ngurangi mumet
  4. Ngurangi pilek
  5. Anti diabetes. 50 – 100 g godhong kersen dikumbah lan digodhog nganggo 1 liter banyu nganti separone.[6] diombe sadina kaping pindho.[6] yèn nggawe obate nganggo ekstrak godhong garing, 2 – 5 g dicampur 200 ml banyu anget.[6]
  6. Anti inflamasi (anti peradangan)
  7. Antitumor. Godhong Kersen duwé senyawa flavonoid kang bisa ngurangi uripé sel kanker.[5]
  8. Anti Uric Acid (Asam Urat). Kanggo nambani asem urat, woh Kersen dipangan sedian kaping telu, saben mangan 9 iji.[5]

Cara nggawe Obat saka Godhong Kersen[besut | besut sumber]

50 – 100 g godhong kersen dikumbah lan digodhog nganggo 1 liter banyu nganti separone.[6] diombe sadina kaping pindho.[6] yèn nggawe obate nganggo ekstrak godhong garing, 2 – 5 g dicampur 200 ml banyu anget.[6]

Pranala njaba[besut | besut sumber]

Cathetan suku[besut | besut sumber]

  1. a b c d e f g h i URAT? SIRUP KERSEN MINUMANNYA[pranala mati permanèn](dipunundhuh tanggal 2 April 2011)
  2. Manfaat Pohon Kersen [pranala mati permanèn](dipunundhuh tanggal 2 April 2011)
  3. a b c d e f g h i j k .curvatech:Tanaman Kersen(dipunundhuh tanggal 2 April 2011)
  4. a b (Ceri), Buah Pinggir Jalan yang Menyehatkan[pranala mati permanèn](dipunundhuh tanggal 2 April 2011)
  5. a b c d Tanaman Liar Ampuh Atasi Berbagai Penyakit Dalam[pranala mati permanèn](dipunundhuh tanggal 2 April 2011)
  6. a b c d e f Penyakit:Kersen[pranala mati permanèn](dipunundhuh tanggal 2 April 2011)