Kèn Dèdès

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Arca Prajnaparamita ingkang dipunpanggihaken ing celakipun Candhi Singhasari minangka pawujudan Ken Dedes

Kèn Dèdès inggih menika garwanipun Kèn Arok pangadegipun Krajan Singhasari (Tumapel).[1] Lajeng panjenenganipun dipunanggep minangka leluhur para raja ingkang naté dados panguwasa wonten ing tlatah Jawa.[1] Kèn Dèdès ugi dados leluhur wangsa Rajasa, trah ingkang nguwasani Singhasari kaliyan Majapait.[1] Kèn Dèdès misuwur amargi panjenenganipun inggih menika tiyang wadon ingkang anggadhahi praupan ingkang ayu sanget.[1]

Trah Kèn Dèdès[sunting | sunting sumber]

Pararaton nyariosaken bilih Ken Arok saged nglèngsèraken Kertajaya rajanipun Kediri ing taun 1222 lan saged mardikakaken Tumapel dados kerajaan énggal.[2] Ken Arok inggih menika réwangipun Tunggul Ametung, nanging Ken Arok menjahi Tunggul Ametung amargi ngraos tresna kaliyan Kèn Dèdès.[2] Ken Arok lajeng krama kaliyan Kèn Dèdès.[2] Saking kramanipun kaliyan Ken Arok, Kèn Dèdès miyosaken Mahisa Wonga Teleng, Panji Saprang, Agnibhaya, lan Dewi Rimbu. Déné saking kramanipun kaliyan Tunggul Ametung, Kèn Dèdès kanugrahan putra setunggal ingkang asmanipun Anusapati.

Kèn Dèdès ingkang Mirunggan[sunting | sunting sumber]

Kèn Dèdès pikantuk gelar Sang Nareswari. Nareswari inggih menika wanita ingkang ngandhut winih wayu ratu.[3] Ing dhiri Kèn Dèdès panci sampun dipunpesthèkaken kanggé ngasta aura panguwasa. Sinten kémawon ingkang saged anggarwa Kèn Dèdès, panjenenganipun saged nurunaken raja-raja ageng ing saindhenging tanah Jawi.[3] Aura panguwasa ingkang wonten ing dhiri Kèn Dèdès saéstu dipunsadhari déning Ken Arok, saéngga Ken Arok pados manéka werni cara supados saged anggarwa Kèn Dèdès.[3] Miturut sujarah, Kèn Dèdès kabukti sampun nurunaken narendra gung binathara mbaudhendha nyakrawati, inggih menika raja-raja ing kerajaan ageng Jawi.[3] Sedaya raja saking singasari lan Majapait inggih mrniks putra wayahipun Kèn Dèdès.[3]

Pirsani ugi[sunting | sunting sumber]

Pranala njawi[sunting | sunting sumber]

Kepustakaan[sunting | sunting sumber]

  • R.M. Mangkudimedja. 1979. Serat Pararaton Jilid 2. Jakarta: Departemen Pendidikan dan Kebudayaan, Proyek Penerbitan Buku Sastra Indonesia dan Daerah
  • Slamet Muljana. 2005. Menuju Puncak Kemegahan (terbitan ulang 1965). Yogyakarta: LKIS
  • Slamet Muljana. 1979. Nagarakretagama dan Tafsir Sejarahnya. Jakarta: Bhratara


Cathetan Suku[sunting | sunting sumber]

  1. ^ a b c d (id)Ken Dedes(dipunundhuh 4 November 2012)
  2. ^ a b c (id)Sejarah Kediri-Singasari(diundhuh 20 Februari 2013)
  3. ^ a b c d e (id)Ken Dedes(diundhuh 20 Februari 2013)
Sumber artikel punika saking kaca situs web: "http://jv.wikipedia.org/w/index.php?title=Kèn_Dèdès&oldid=835183"