Kèju Swiss

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Panyimpanan keju Gruyere ing sawijining pabrik ing Swiss.

Kèju Swiss yaiku jinis kèju lokal kang diproduksi ing negara Swiss.Swiss nganti sakiki produksi luwih saka 450 jinis keju.[1] Gawe keju wis dadi tradisi atusdan taun ing Swiss. Swiss duwe lemah kang kebak suketan. Watara 80% lemahe cocok kanggo tani, uga digunaake kanggo angon ternak.

Keju-keju swiss kang misuwur ing antarane Appenzell, Bellelay utawa Tête de Moine, Emmental, Fribourgeois, Gruyère, Saanen, Sapsago, Sbrinz, lan Vacherin-Fribourgeois.[2] Keju Swiss kang dikenal ing donya duwe ciri-ciri khas yaiku wernane kuning pucet, ngandhut sithik rasa kacang, lan teksture bolong-bolong.

Bolongan ing kèju Swiss[sunting | sunting sumber]

Keju swiss duwe rupa kang khas bentuke kotak kandel, akeh bolongane lan rasane gurih.Saben keju ngandhut bakteri kang beda-beda. Kaya ing keju Swiss, bakteri Streptococcus thermophilus, Lactobacillus dan Propionibacterium shermani dicampur dening susu sapi. Bakteri kasebut bisa ndadeake susu dadi kenthel, diselehake jroning cithakan banjur dikum ing banyu uyah.[3]

Sabanjure keju Swiss disimpen jroning panggonan kang suhune 26,7 derajat celcius nganti mateng. Nalika proses iki bakteri ngeculke asam laktat kang ngandhut gas. Sakwise proses iki keju lagi bisa dikonsumsi.

Bakteri Propionibacterium shermani ngetoake karbondioksida lan mbentuk asam laktat uga mbentuk gelembung jroning keju. sakwise gelembung pecah kabentuk kanthong udara cilik utawa bolongan-bolongan ing keju Swiss. Tekstur bolong iki kang dadi ciri khas keju Swiss.[3]

ukuran bolongane bisa diatur nalika proses panggaweane. kang paling dadi pengaruh yaiku suhu, keasaman, lan suwene proses nyimpene. Ing taun 2000, FDA (Food and Drug Administration) netepake lan ngatur dhiameter bolongan ing keju Swiss yaiku watara 2,54 cm.[3]

Susu kang digunaake[sunting | sunting sumber]

Sebageyan gedhe keju swiss digawe saka susu sapi.Hal iki disebabake amarga jumlah wedhus kang luwih sithis dibanding jumlah sapi ternak. Ing taun 1999, Swiss produksi 134,000 ton keju saka susu sapi lan mung 245 ton keju saka domba lan wedhus.[4]

AOC[sunting | sunting sumber]

Kanggo njaga kualitas keju-keju Swiss lan produk-produk liyane, digawe sawijining katentuan kang ngatur lan netepake standar saka keju Swiss.[5] Katentuan iku disebut Appellation d’Origine Contrôlée (AOC) atau Katentuan kang nglindungi asal-muasal.[5] AOC kang njamin kualitas dhuwur saka produk kang dientuki, diproduksi lan diproses ing dhaerah asal.

Dhaptar keju sertifikasi AOC[sunting | sunting sumber]

ing ngisor iki dhaptar keju kang antuk sertifikasi saka AOC:[5]

  • L'Etivaz
  • Sbrinz
  • Le Gruyère
  • Vacherin Fribourgeois
  • Emmentaler
  • Tête de Moine
  • Vacherin Mont-d'Or
  • Formaggio d'Alpe Ticinese
  • Berner Alp- und Hobelkäse

Macem-macem kèju Swiss[sunting | sunting sumber]

Gruyère Premier Cru

jinis-jinis keju swiss ing antarane: [6]

  • Appenzeller: Keju Swiss kang diasinake jroning sari apel utawa anggur putih lan rempah rempah sakdurunge dimatengake. Luwih teles lan creamy dibanding emmenthaler ananging aromane luwih kuat gruyere. Diproduksi abad 11 dening monks. Minangka keju kang akeh paedahe..
  • Battelmatt: Keju Swiss, persis aroma tilsiter
  • Bitto: Keju rada atos persis kaya fontina . Nalika mateng kejune luwih atos lan luwih wangi.
  • Emmenthaler (emmenthaler utawa emmentaler): Rasane legi kaya kacang. Atos, werna kulite soklat emas alus.
  • Gaiskasli: Keju kang digawe saka susu wedhus lan lembut.
  • Gruyère: Keju Swiss kang paling legi kanthi rasa kaya kacang. Lembut, ante plan dimatengake kanthi cara alami.
  • Krauterkäse: Digawe saka susu skim kanthi tambahan rempah-rempah.
  • Mutschli: Keju kang wernane krem agak rada empk lan lembut
  • Saanen: Keju Swiss kang atos lan garing, rasane pada karo gruyere .
  • Sapsago: Keju Swiss kang at9s lan ora duwe kandhutan lemak, aroma rempah-rempah.
  • Sbrinz: Sawijining keju kang paling tuwa kang digawe ing Swiss. Keju kang tuwa, atos lan duwe tekstur. Duwe kandhutan lemak kang dhuwur.
  • Schabzieger: Keju Swiss kang atos, disebut uga “keju hijau” amarga ditambahi bubuk semanggi, digawe saka susu skim kecut.
  • Tête de moine: Keju Swiss kang atos kanthi rasa lan aroma kang kuat, digawe saka susu sapi.
  • Vacherin: Vacherin mont d'or digawe namung setahun kaping pisan ing Swiss.

Pranala jaba[sunting | sunting sumber]

Commons-logo.svg
Wikimedia Commons gadhah galeri bab:

Cathetan sikil[sunting | sunting sumber]

  1. ^ (en) Switzerland A Cheese Country
  2. ^ (en) Swiss Cheeses
  3. ^ a b c (id)[1]
  4. ^ (en) The Milk and the Holes
  5. ^ a b c (en) AOC and PGI, Switzerland Cheese
  6. ^ (id)cheese list
Sumber artikel punika saking kaca situs web: "http://jv.wikipedia.org/w/index.php?title=Kèju_Swiss&oldid=880305"