Jultagi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jultagi

Penampilan Jultagi ing Jeonju
Jeneng Koréa
Hangeul 줄타기 / 어름
Hanja none
Alih Aksara sing disampurnakaké jultagi / eoreum
McCune–Reischauer chultaki / ŏrŭm

Jultagi utawi eoreum inggih menika salah satunggaling jinis kesenian lan dolanan tradisional Korea ingkang dipunlampahi kanthi cara mlampah wonten ing sanginggilipun tali. [1][2] Jultagi menika kinten-kinten asalipun saking Cina utawi Asia Tengah, boten cetha kapan kapisan medal wonten ing Korea, ananging prakiraan saking zaman Tiga Kerajaan (57 SM-935 M).[2]

Nalika ing zaman Dinasti Joseon (1392-1910), jultagi dipuntedahaken déning kalih kategori tiyang inggih menika penghibur resmi ingkang dipunkaryakaken astana utawi kelana ingkang boten kagungan griya tetep (sadangpae).[2] Sadèrèngipun adicara menika, ingkang nglampahi kedah ndhèrèk ritual gosa (slametan) kagem almarhum penghibur lan guru-guru kangge nyuwun berkat lan nebihaken roh ala ingkang badhe nganggu lampahing adicara. [2] Bibar menika, arak sesajèn dipunparingaken dhateng tali ingkang dipunginakaken kanggé dolanan jultagi.[2] Ingkang nglampahi menika mlampah ing sanginggilipun tali kanthi damel gaya mlapah ingkang manéka werni, wiwit saking mlampah sinambi nyekel tépas, sinambi mlayu, sinambi mlumpat-mlumpat, nyeret sukunipun, mlamapah sinambi lenggah, sinambi jinjit lan tasih kathah malih.[2]

Menawi jultagi ingkang dipunwontenaken penghibur astana kalampahan ing adicara kados pesta astana, hiburan kanggé para bangsawan lan sowanipun utusan asing, jultagi kelompok sadang medal wonten ing perayaan rakyat biasa lan padatanipun boten pikantuk bayaran.[2] Dolanan jultagi astana menika dipuniringi kalihan musik saking instrumèn kados piri (suling tipis), daegeum (suling pring), haegeum (rebab), janggu (genderang dawa) lan buk (genderang ageng) kanggé paring hiburan dhaten pamirsa.[2] Tali dipundamel saking simpul rami.[2] Kagem jultagi astana langkung dawa kanthi ukuran 3-10 meter, dene jultagi kelompok sadang dawanipun 6 meter kalihan pucuk 3 meter dipuntalèkaken ing pasak ingkang nancep ing lemah. [2] Penghibur astana nedahaken jultagi ingkang langkung elegan.[2] Kelompok sadang langkung kondhang ing kalangan rakyat biasa amargi medal kanthi hiburan ingkang dipunremeni déning masarakat kados guyonan, sindiran marang bangsawan ingkang boten gadhah moral, biksu-biksu ingkang nyelèwèng, imitasi imitasi caranipun mlampah tiyang-tiyang saking manéka kelas lan nembang. [2] Kejawi menika ugi dipunginakaken piranti musik kados kkwenggwari (gong alit), buk, jing (gong ageng), janggu lan taepyeongso (suling kanthi nada inggil) minangla pangiring akrobat.[2] Nalika ing jeda ingkang paring hiburan menika mandhap lan gantos kalihan penghibur sanès ingkang wonten ing ngajengipun pamirsa.[2]

Cathetan suku[sunting | sunting sumber]

  1. ^ Kim Dae-Gyun, The last living exponent of the traditional Korean Tight-rope Performance sogang.
  2. ^ a b c d e f g h i j k l m n An Illustrated Guide to Korean Culture - 233 traditional key words. Seoul: Hakgojae Publishing Co. 2002. pp. 448. ISBN 89-8546-98-1.

Cithakan:Karya Agung Warisan Budaya Lisan dan Nonbendawi Manusia Korea Selatan

Sumber artikel punika saking kaca situs web: "http://jv.wikipedia.org/w/index.php?title=Jultagi&oldid=843198"