Julius Darmaatmadja

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Julius Darmaatmadja
Coat of arms of Julius Darmaatmadja.svg

Kardinal Mgr. Julius Riyadi Darmaatmadja, S.J. (lair ing Muntilan, Magelang, Jawa Tengah, 20 Desember 1934; umur 79 taun).[1] Julius Darmaatmadja iku salah sijiné kardinal Gréja Katulik Roma kang asalé saka Indonésia wiwit taun 1994.[2] Julius Darmaatmadja njabat dadi Uskup Agung Jakarta wiwit tanggal 11 Januari 1996 nganti 28 Juni 2010. [2]

Nalika dadi kardinal, Julius Darmaatmadja uga mèlu ing pamilihan Paus kang anyar nalika taun 2005.[2] Nalika iku, paus kang kepilih yaiku Paus Benediktus XVI.[2]

Julius Darmaatmadja lair saka bapak kang jenengé Joachim Djasman Darmaatmadja lan ibuné jenengé Maria Siti Sarpinah.[2] Julius Darmatmadja lair saka kluwarga kang prasaja.[2]

Darmaatmadja mlebu Seminari Menengah Yogyakarta lan Seminari Mertoyudan.[2] Saliyané iku, Julius Darmaatmadja uga mlebu Novisiat Serikat Yesus Girisonta nalika taun 1957.[2] Julius ditahbisaké dadi imam nalika tanggal 18 Desember 1969 déning Justinus Darmojuwono lan nduwèni tugas ing Yogyakarta.[2] Sawisé iku, nalika taun 1978-1981 Julius Darmaatmadja njabat dadi Rèktor Seminari Menengah Mertoyudan.[2] Julius Darmaatmadja ditahbisaké dadi Uskup Agung Semarang uga ditahbisaké déning Kardinal Justinus Darmoyuwono nalika tanggal 29 Juni 1983. [2] Nalika 28 April 1984 Julius Darmaatmaja diangkat karo Vatikan Roma dadi Uskup kanggoné ABRI nggantèkaké Kardinal Justinus Darmojuwono Pr.[2] Darmaatmadja mundur saka jabatané dadi Uskup ABRI nalika 2 Januari 2006 lan digentèni karo Uskup Semarang kang jenengé Ignatius Suharyo Hardjoatmodjo.[2]

Cathetan sikil[sunting | sunting sumber]

  1. ^ (en)nationalcatholicreporter.org(diundhuh tanggal 26 Agustus 2011)
  2. ^ a b c d e f g h i j k l m (id)kaj.or.id(diundhuh tanggal 26 Agustus 2011)