Jongmyo Jerye

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jongmyo Jerye

Upacara Agung Jongmyo
Jeneng Koréa
Hangeul 종묘제례 utawi 종묘대제
Hanja 宗廟祭禮 utawi 宗廟大祭
Alih Aksara sing disampurnakaké Jongmyo Jerye utawi Jongmyo Daeje
McCune–Reischauer Chongmyo Cherye utawi Chongmyo Taeche

Jongmyo Jerye (Upacara Jongmyo) utawi Jongmyo Daeje (Upacara Agung Jongmyo) menika upacara ingkang dipunwontenaken ing Kuil Jongmyo [1]wonten ing Seoul, Korea Selatan [2] [3]. Jongmyo Daeje ingkang dipunwontenaken saben setaun pisan menika perayaan persembahan, pakurmatan, lan pengetan dhateng jasa-jasa para pemimpin saking Wangsa Yi ingkang damel Dinasti Joseon ingkang mimpin Korea ing taun 1392-1910. Upacara Jongmyo menika adhedhasar tatacara ritual Konfusianisme anggènipun ngregani leluhur lan pemimpin bangsa Korea [4]. Ritual menika kalebet salah satunggaling wujud kabudayan Korea ingkang dipunakui minangka Karya Agung Warisan Budaya Lisan lan Nonbendawi Manusia déning UNESCO utawi UNESCO's of the Oral and Intangible Heritage of Humanity nalika taun 2001.

Sejarah[sunting | sunting sumber]

Ritual menika katujuaken kanggé paring pakurmatan dhumateng leluhur pendiri Dinasti Joseon. Dinasti Joseon menika jumeneng awit saking Yi Seong-gye minangka negara ingkang ngenut paham lan cara pandang miturut Konfusianisme. Kapitadosan lan filosofi Konfusianisme dumugi samenika paring pengaruh sanget dhateng tatacara pagesangan tiyang Korea saéngga ritula pamujaan dhateng para leluhur tasih dipunlampahi [5].

Jongmyo Jerye menika kalebet ing Gillye (upacara bertuah) salah satunggal saking 5 jinis upacara ageng ingkang dipunwontenaken déning wangsa kerajaan Joseon. Sanèsipun menika Hyungrye (upacara pemakaman), Binnye (upacara penyambutan), Gunrye (upacara militer), lan Garye (upacara pernikahan). Upacara Gillye menika ritual pamujan dhateng dewa langit lan bumi sarta arwahipun nenek moyang. Déné upacara Jongmyo boten namung pamujan kemawon, ananging ugi mengeti suksesing ing bidang militer lan sejahteraning bangsa.

Samenika papan nama leluhur para raja lan rau Dinasti Joseon dipunsimpen wonten ing bangunan menika kanthi urut ing ruangan altar kanthi jumlah 19 kamar. Papan nama raja cacahipun 19 déné papan nama ratu wonten 30. Sedaya raja lan ratu dipunhurmati ing kuil menika kejawi [[Raja Yeongsangun] lan Raja Gwanghaegun. Bangunan utami kuil Jongmyo menika Jeongjeon (aula utami) nyimpen 49 papan nama leluhur ingkang mapan wonten ing 19 kamar lan Yeongnyeongjeon (Aula Kedamaian Abadi) nyimpen 33 papan nama ing 16 kamar [6].

Raja Taejo wiwit nglampahi ritual menika sasampunipun jumenengipun Kuil Jongmyo ing taun 1394 lan ndéklarasiaken ideologi Konfusianisme kanthi mindhah ibukota dhateng Hanyang (samenika Seoul) saking Gaegyeong (samenika Gaeseong, Korea Utara).

Cathetan suku[sunting | sunting sumber]

  1. ^ [1] (id) Jongmyo Shrine( dipun-akses tanggal 20 Januari 2013 )
  2. ^ (en) Jongmyo Shrine, lifeinkorea.
  3. ^ (en) Jongmyo Shrine, UNESCO.org.
  4. ^ (id) Anggur Musim Semi bagi Arwah Leluhur, kompas
  5. ^ Bowker, John (2003). WORLD RELIGIONS - The Great faiths explored & explained. Dorling Kindersley Limited. ISBN 978-0-7566-1772-1.
  6. ^ (en) Jeryeak, koreanculture.org.
Sumber artikel punika saking kaca situs web: "http://jv.wikipedia.org/w/index.php?title=Jongmyo_Jerye&oldid=835929"