Jongmyo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gerbang utami Jongmyo
Korean name
Hangeul 종묘
Hanja
Alih Aksara sing disampurnakaké Jongmyo
McCune–Reischauer Chongmyo

Jongmyo menika kuil Konfusius ingkang wonten ing Kutha Seoul, Korea Selatan. Kuil menika dipunbangun kanggé nyimpen tablet-tablet memorial anggota mendiang panguwasa saking Dinasti Joseon [1]. Kuil Jongmyo menika nyimpen tablet memorial 19 raja lan 30 ratu Korea. Kuil Jongmyo menika ugi kalebet kuil kerajaan paling tua ingkang dipunginakaken minangka papan pakurmatan lan ritual upacara wiwit abad kaping 14. Déning UNESCO, Jongmyo dipundadosaken Situs Warisan Donya wiiwt taun 1995 [2] .

Sejarah[sunting | sunting sumber]

Kuil Jongmyo menika dipunbangun déning Raja Taejong wiwit Desember 1394 utawi ing taun kaping tiga masa pamaréntahanipun lan kapungkasan ing September 1395 [3]. Bangunan menika Jeongjeon kaperang wonten bangunan utama kanthi 7 kamar. Saben kamar menika dipunsampetakaken kangge altar raja lan ratu. Kompleks Jongmyo dipunwiyaraken déning Raja Sejong ing taun 1421, Raja Sejong mbangun Yeongnyeongjeon ingkang ateges Ruang Kenyamanan Abadi. Pawiyaran ugi kanthi ndawakaken bangunan dhateng sisih wetan, amargi mbetahaken kamar malih kanggé nyimpen tablet memorial raja lan ratu saéngga dados 17 kamar.

Kados Astana Chaengdeok ingkang naté kobongan, Kuil Jongmyo menika ugi naté kobongan nalika Invasi Jepang dhateng Korea. Ananging 19 tablet memorial raja lan 30 tablet memorial ratu saged slamet amargi dipun-pindhah dhateng griyanipun warga kala menika [3]. Namung kalih raja ingkang boten gadhah tablet memorial inggih menika Yeonsan-gun lan Gwanghae-gun.

Generasi kaping kalih menika jumeneng taun 1601 ingkang wonten dumugi samenika. Jongmyo menika dipun-ubengi déning tembok persegi dawa kanthi gerbang dhateng kidul, wétan, lan kilen. Gerbang utama kuil boten kenging dipunliwati déning sinten kemawon. Déné gerbang wétan khusus kanggé raja lan gerbang kulon kanggé para pemain musik. Bangunan menika dipundominasi struktur kayu lan lantai granit. Kamar-kamar ing kuil kapérang dhateng bilik-bilik kanthi ornamen kayu abang kanthi wiyar 5.190 meter persegi [3].

Jongmyo Jerye[sunting | sunting sumber]

Saben wulan Mei ing Jongmyo menika ngawontenaken upacara pakurmatan dhateng mendiang raja lan ratu kanthi ngadani persembahan lan upacara sembahyang saking warga ingkang tasih gadhah ubungan kerabat kalihan anggota kulawarga kerajaan. Upacara menika dipunwastani Jonmyo jerye utawi Jongmyo Daeje[1]. Upacara menika ugi kajangkepi kalihan ritual tarian ilmu kanthi iringan musik astana. Musik saking upacara Jongmyo Jerye dipunsebat Jongmyo Jeryeak minangka Karya Agung Warisan Budaya Oral serta Nonbendawi Manusia nalika taun 2001. Musik kanggé upacara pamujaan ing Jongmyo kangge damel swasana tentrem ing upacara pamujaan [4].

Pranala njawi[sunting | sunting sumber]

Galeri[sunting | sunting sumber]

Cathetan suku[sunting | sunting sumber]

  1. ^ a b [1] (id) Belajar menghargai warisan budaya dari Korea ( dipun-akses tanggal 20 Januari 2013 )
  2. ^ [2] (id) Kuil Jongmyo ( dipun-akses tanggal 20 Januari 2013 )
  3. ^ a b c [3] (id) Jongmyo Shrine Kuil Konfusius tertua di dunia ( dipun-akses tanggal 20 Januari 2013 )
  4. ^ http://world.kbs.co.kr/indonesian/enter/music_concert_detail.htm?No=1123
Sumber artikel punika saking kaca situs web: "http://jv.wikipedia.org/w/index.php?title=Jongmyo&oldid=851549"