John Logie Baird
John Logie Baird ya iku pelopor tipi.[1] Baird lair ing Helsenburgh, tlatah pasisir pasisir wétan Sekotlan, tanggal 14 Agustus 1888.[1] Bapake ya iku sawijining pendeta.[1] Kawit cilik, dhèwèké dikenal minangka bocah kang lara-laranan.[1]
Nanging dhèwèké kagolong bocah kang pinter ing babagan othak-athik barang elektronik.[2] Dhèwèké kasil anggoné masang jaringan telepon ing kiwane kanca-kancane.[2] Sawisé lulus saka sekolah menengah, dhèwèké nerusaké sekolahé ing Glasgow University.[2] Ora suwé, dhèwèké mandeg anggoné kuliyah amarga ana Perang Dunia 1.[2] Dhèwèké banjur kepéngin gabung karo angkatan bersenjata.[2] Nanging niyate mau di tolak amarga dhèwèké ora patiya séhat.[2] Dhèwèké tau nyambut gawé ing perusahaan listrik Clyde Valley sadurungé dhèwèké ana ing Inggris saperlu muwiti bisnise.[2] Ing taun 1942, dhèwèké nyoba gawé piranti kang bisa ngirim gambar.[2] Nalika tanggal 26 januari 1926, dhèwèké mamerake tipine mau ing masarakat.[2] Tipi kang wiwitan isih nampilake gambar kang kemresek.[2] Ing perkembangane, sistem iki digantekake déning sistem elektrik kang bisa nampilake gambar kang luwih sampurna.[2] Nanging, wektu iku gambar kang diasilake mung gambar ireng putih.[2] Ing taun 1927, tivi wis bisa ngrembaka kanthi kemampuan jaringan punjul 438 mill antarané London nganti Glasgow.[2] John Loge Baird tinggal donya ing Bexhill tanggal 14 Juni 1946.