John Logie Baird

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
John Logie Baird

John Logie Baird yaiku pelopor tipi.[1] Baird lair ing Helsenburgh, tlatah pesisir pante wetan Skotlandia, tanggal 14 Agustus 1888.[1] Bapake yaiku sawijining pendeta.[1] Kawit cilik, dheweke dikenal minangka bocah kang lara-laranan.[1]

Nanging dheweke kagolong bocah kang pinter ing babagan othak-athik barang elektronik.[2]Dheweke kasil anggone masang jaringan telepon ing kiwane kanca-kancane.[2] Sawise lulus saka sekolah menengah, dheweke nerusake sekolahe ing Glasgow University.[2] Ora suwe, dheweke mandeg anggone kuliyah amarga ana Perang Dunia 1.[2] Dheweke banjur kepengin gabung karo angkatan bersenjata. [2] Nanging niyate mau di tolak amarga dheweke ora patiya sehat. [2] Dheweke tau nyambut gawe ing perusahaan listrik Clyde Valley sadurunge dheweke ana ing Inggris saperlu muwiti bisnise. [2] Ing taun 1942, dheweke nyoba gawe piranti kang bisa ngirim gambar.[2] Nalika tanggal 26 januari 1926, dheweke mamerake tipine mau ing masarakat. [2] Tipi kang wiwitan isih nampilake gambar kang kemresek. [2] Ing perkembangane, sistem iki digantekake dening sistem elektrik kang bisa nampilake gambar kang luwih sampurna. [2] Nanging, wektu iku gambar kang diasilake mung gambar ireng putih. [2] Ing taun 1927, tipi wis bisa ngrembaka kanthi kemampuan jaringan luwih saka 438 mill antarane London nganti Glasgow.[2] John Loge Baird tinggal donya ing Bexhill tanggal 14 Juni 1946.

Cathetan suku[sunting | sunting sumber]

  1. ^ a b c d (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 166]
  2. ^ a b c d e f g h i j k l m (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 167]
Sumber artikel punika saking kaca situs web: "http://jv.wikipedia.org/w/index.php?title=John_Logie_Baird&oldid=837174"