Jessica Alba

Saka Wikipédia Jawa, bauwarna mardika basa Jawa
Jessica Alba

Asma wiyosan Jessica Marie Alba
Miyos (1981-04-28) April 28, 1981 (umur 42)
Pomona, California, AS
Pakaryan Aktris
Taun aktif 1994–sapuniki
Sisihan Cash Warren (2008–sapuniki)
Pacangan domestik Michael Weatherly (2000-2003)

Jessica Marie Alba (lair ing Pomona, California, Amérika Sarékat, 28 April 1981; umur 42 taun) inggih punika aktris saking nagari Amérika Sarékat.[1] Alba dados aktris télévisi lan aktris filem. Alba miwiti kariripun ing jagad télévisi lan filem biyoskup nalika nembé yuswa 13 taun ing Camp Nowhere lan The Secret World of Alex Mack taun 1994.[1] Alba langkung misuwur amargi dados paraga ing sérial télévisi Dark Angel taun 2000-2002.[1] Alba lajeng main ing filem-filem ingkang manéka warni kados Honey taun 2003, Sin City taun 2005, Fantastic Four taun 2005, Into the Blue taun 2005, Fantastic Four: Rise of the Silver Surfer lan Good Luck Chuck taun 2007.[1] Jessica sampun angsal kanugrahan ingkang manéka warni, kados Teen Choice Award lan Saturn Award for Best Actress on Television, lan nominasi Golden Globe kanthi aktingipun ing filem Dark Angel.[1]

Alba lair ing Pomona, California saking pasangan Catherine (née Jensen) lan Mark Alba.[2] Ibunipun saking keturunan (Dhènemarken-Kanada-Prancis), lan ramanipun keturunan (Meksiko-Amérika).[2] Jessica gadhah sadhèrèk enem Joshua.[2] Ramanipun nyambut damel ing Angkatan Udara Amérika Sarékat, lan sampun gantos panggènan (griya dhinas) saking Biloxi, Mississippi lan Del Rio, Texas, sadèrèngipun kondur dhateng California sadangunipun 9 taun.[2] Alba ageng ing kulawarga konservatif, taksih nyepeng tradhisi, agaminipun Katulik, lan kulawarga Latin Amérika.[2]

Cathetan suku[besut | besut sumber]

  1. a b c d e Jessica Alba:Biography on MSN Archived 2012-06-03 at the Wayback Machine. dipunundhuh tanggal 14 Juli 2011)
  2. a b c d e The Changeling dipunundhuh tanggal 14 Juli 2011)

Pranala njawi[besut | besut sumber]