Jeotgal

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jeotgal

Jeotgal yaiku jinis panganan fermentasi kas Korea kang digawe saka pirang-pirang jinis produk laut kayata iwak, kerang, lan urang.[1][2] Jeotgal difermentasekake nganggo uyah mula rasane asin.[1] Lingkungan semenanjung Korea diubengi dening lautan kang dadi papan panggonan pertemuan arus panas lan atis mula cacah lan jinis produk laut werna-werna.[1] Saliyane nyambut gawe minangka petani, wong Korea uga dadi nelayan nalika mangsa tandur durung dimulai.[1] Sejarah jeotgal wis ana kawit zaman kerajaan Silla lan ing teks sejarah tinulis yen raja kang ngawini sawijining wanita bakal menehi jeotgal marang maratuwane minangka hadhiah.[1] Ing jaman Dinasti Goryeo lan Joseon, produk jeotgal luwih akeh lan bervariasi tinimbang saiki lan lan dadi lawuh penting ing meja mangan nalika kuwi.[1] Jinis-jinis produk laut kang bisa digawe dadi jeotgal yaiku urang, teri, kerang, cumi-cumi, croaker, pollack, urang cilik, gurita, conch, hairtail lan liya-liyane.[1] Metode kanggo ngawetake uga werna-werna nanging umume sawise sesasi utawa luwih diawetake, jeotgal olih dipangan.[1] Nalika dimakan, jeotgal diwenehi bawang perai utawa bawang putih kanggp nambahi rasane.[1] Saliyane kuwi uga bisa dipangan bareng kimchi atau janganan.[1] Jeotgal kerep dadi bahan kang ditambahake ing godhogan (jjigae) lan sup (guk).[1]

Cathetan suku[sunting | sunting sumber]

Logo Wikimedia Commons
Pirsani galeri bab Jeotgal ing Wikimedia Commons.
  1. ^ a b c d e f g h i j k An Illustrated Guide to Korean Culture - 233 traditional key words. Seoul: Hakgojae Publishing Co. 2002. pp. 45-46. ISBN 89-8546-98-1.
  2. ^ (en) Main meal, side dish, foodinkorea. Diundhuh tanggal 8 Juni 2010.
Sumber artikel punika saking kaca situs web: "http://jv.wikipedia.org/w/index.php?title=Jeotgal&oldid=831884"