Jeon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jeon

Pajeon variasi jeon dengan daun bawang
Hangeul 전, 전유어, 전유화, 저냐, 부침개, 지짐, 지짐개
Hanja 煎, 煎油魚, 煎油花,
Alih Aksara sing disampurnakaké jeon, jeonyueo, jeonyuhwa, jeonya, buchimgae, jijim, jijimgae

Jeon (jun), buchimgae, jijimgae, utawi jijim menika sebatan kanggé sedaya dadar glepung terigu wonten ing dhaharan Korea . Wonten ing istilah kuliner astana Korea, dhaharan menika dipunsebat jeonyueo utawi jeonyuhwa (kadang kala dipunringkes dados jeonya). Adonanipun dipundamel saking campuran glepung lan toya. Isinipun menika arupi daging pitik, daging sapi, dhaharan segara utawi janganan. Bibar dipunudhak kalihan isinipun lajeng dipungoreng kanthi ngginakaken sekedhik lisah utawi minyak wijèn [1].

Jeon padatanipun dipunsajekaken minangka banchan, sajian pambuka, utawi anju (sajian nalika ngunjuk unjukan mawi alkohol). Kejawi menika, jeon kalebet dhaharan ingkang wigatos kagem jesasang (meja upacara kanggé jesa, pengetan dinten séda) lan janchi (hangul:잔치, festival). Jeon ingkang dipunsajekaken kanggé jesa menika dipunwastani gannap (hangul:간납, hanja: 干納 utawi 肝納) utawi gannam (hangul:간남, hanja:肝南). Isinipun menika arupi ati sapi, ulam, janganan lan godhong bawang.[2] Satunggaling jinis jeon ingkang raosipun legi kados panekuk[3] inggih menika hwajeon (jeon campur kembang). Wonten ing Korea Selatan, variasi jeon ingkang kondhang inggih menika bindaetteok (jeon kacang ijo), lan pajeon (jeon godhong bawang), lan kimchijeon (jeon kimchi) [4].

Variasi isi[sunting | sunting sumber]

Jeon dipunparingi nama adhedhsarar bahan isi, tuladhanipun kimchijeon ateges jeon kanthi isi kimchi.

Daging[sunting | sunting sumber]

  • Yukjeon (육전 肉煎): isi daging cincang
  • Wanja jeon utawi wanja (완자전): jeon awujud bunder-bunder alit dipundamel saking daging cincang, tahu, janganan, lan dipunlapisi kalihan glepung terigu lan tigan.
  • Ganjeon (간전): isi ati sapi
  • Cheonyeop jeon (처녑전): isi weteng buku saking sapi

Dhaharan laut[sunting | sunting sumber]

Saenseon jeon
  • Saengseon jeon (생선전 生鮮煎): jeon ingkang saged dipundamel saking manéka jinis ulam (mliginipun ulam mawi daging werni putih). Jeon saking dhaharan segara dipunwastani haemul jeon (해물전 海物煎) ingkang kaperang saking jeon kerang (paeryu), jeon urang, lan jeon gurita.
  • Mineo jeon (민어전 民魚煎): isi ulam Nibea imbricata (jinising ulam tigawaja)
  • Daegu jeon (대구전 大口煎): isi ulam cod
  • Gul jeon (굴전): isi tiram
  • Daeha jeon (대하전 大蝦煎) utawi saewoo jeon (새우전): isi urang

Janganan[sunting | sunting sumber]

Gochu jeon

Kembang[sunting | sunting sumber]

Cathetan suku[sunting | sunting sumber]

  1. ^ (id) Makanan Tradisional Imlek di Korea, (dipunakses tanggal 6 Maret 2013)
  2. ^ Yoon, Seoseok (윤서석) (1991). "간납" (in bahasa Korea). http://www.jbfood.go.kr/juhtml/food/tword/main.html?thid=1249&fpmode=view&plcode=000200050000.
  3. ^ (id) Kimchi Jeon, (dipunakses tanggal 6 Maret 2013)
  4. ^ (id) Kimchi Jeon, (dipunakses tanggal 6 Maret 2013)
Sumber artikel punika saking kaca situs web: "http://jv.wikipedia.org/w/index.php?title=Jeon&oldid=843266"