Jembatan Ampera

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jembatan Ampera
Jembatan Ampera
Jeneng resmi Jembatan Ampera
Ngangkut 4 lajur
Ngliwati Sungai Musi
Lokasi Kota Palembang, Provinsi Sumatera Selatan
Gunggung rentangan 1 (jembatan utama)
1 (keseluruhan)
Rentangan paling dawa 75 metres (246 ft)
Dawa total 1.117 metres (3,665 ft)
Lebar 22 metres (72 ft)
Dhuwur 63 metres (207 ft)
Bagian vertikal 115 metres (377 ft)
Koordinat 7°11′3″S 112°46′48″E / 7.18417°S 112.78°E / -7.18417; 112.78Koordinat: 7°11′3″S 112°46′48″E / 7.18417°S 112.78°E / -7.18417; 112.78

Jembatan Ampera inggih punika sawijining jembatan ingkang dumunung ing Kota Palembang, Provinsi Sumatera Selatan, Indonesia. Jembatan Ampera, ingkang sampun dados sajinising lambang kota, papan dunungipun ing tengah-tengah kota Palembang, nggayutaken antawising daerah Seberang Ulu saha Seberang Ilir ingkang kapisah déning Kali Musi.

Struktur[sunting | sunting sumber]

Dawa : 1.117 m (bageyan tengah 71,90 m) Amba : 22 m Inggil : 11.5 m saking permukaan toya Inggil Menara : 63 m dari permukaan lemah Jarak antawis menara : 75 m Bobot : 944 ton

Sajarah[sunting | sunting sumber]

Ide saperlu manunggalaken kalih daratan ing Kota Palembang ”Seberang Ulu lan Seberang Ilir” kanthi jembatan, saestunipun sampun wonten wiwit jaman Gemeente Palembang, taun 1906. Nalika jabatan Walikota dipuncepeng dening Le Cocq de Ville, taun 1924, gagasan punika medal saha dipun tindakaken kathah usaha saperlu ngrealisasikaken. Ananging, dumugi masa pamaréntahan Le Cocq pungkasan, ugi nailka Belanda sampun boten jajah Indonesia, proyék punika boten nate dipun adani.

Nalika masa kamardikan, gagasan punika medal malih. DPRD Peralihan Kota Besar Palembang ngusulaken malih pambangunan jembatan nalika punika, dipunsebut Jembatan Musi kanthi ngrujuk nama Kali Musi ingkang dipunliwati, nalika sidang pléno ingkang kaadanan 29 Oktober 1956. Pamanggih punika saéstunipunkagolong nekad amargi dana wiwitan anung antawis Rp 30.000,00. Ing taun 1957, dipunbentuk panitia pambangunan, ingkang kasungsun saking Penguasa Perang Komando Daerah Militer IV/Sriwijaya, Harun Sohar, saha Gubernur Sumatera Selatan, H.A. Bastari. Pandampingipun, Walikota Palembang, M. Ali Amin, saha Indra Caya. Tim punika nindakaken pendekatan dhumateng Bung Karno saperlu nyengkuyung rencana punika. Usaha ingkang dipun tindakaken Pamaréntah Provinsi Sumatera Selatan saha Kota Palembang, ingkang dipunsengkuyung dening Kodam IV/Sriwijaya punika salajengipun pikantuk kasil. Bung Karno lajeng sarujuk babagan pambangunan Jembatan punika. Amargi rencana dipunbangun kanthi sukunipun wonten ing kawasan 7 Ulu lan 16 Ilir, ingkang ateges posisinipun ing pusat kota, Bung Karno lajeng nyuwun syarat. Inggih punika, penempatan boulevard utawi taman kabikak ing kekalih pucuk jembatan punika. Lajeng katindakaken panunjukkan perusahaan pelaksana pambangunan, kanthi penandatanganan kontrak ing tanggal 14 Desember 1961, kanthi bea USD 4.500.000 (kurs nalika iku, USD 1 = Rp 200,00).

Pambangunan jembatan punika kawiwitan ing wulan April 1962, sabibaripun pikantuk psarujukan saking Presiden Soekarno. Béa pambangunanipun kanpendhet saking dana pampasan perang Jepang. Boten namung béa, jembatan punika ugi ngginkaken tenaga ahli saking negara kasebut.[1]

Nalika wiwitan, jembatan punika dipun sukani nama, Jembatan Bung Karno. Miturut sejarawan Djohan Hanafiah, nama kasebut minangka bentuk penghargaan dhumateng Presiden RI ingkang angka pisan kasebut. Bung Karno kanthi saéstu memperjuangaken punpa ingkang dados pepenginan warga Palembang, saperlu kagunan sawijining jembatan ing inggil Kali Musi. [2]

Peresmian panganggo jembatan dipun adani ing taun 1965, ugi ngukuhaken nama Bung Karno minangka nama jembatan. Nalika iku, jembatan punika minangka jembatan paling dawa ing Asia Tenggara.[3] Sasampunipun wonten pergolakan politik ing taun 1966, nalika gerakan anti-Soekarno santer, nama jembatan punika dipunéwahi dados Jembatan Ampera (Amanat Penderitaan Rakyat). [4]

Antawis taun 2002, wonten wacana saperlu mbangsulaken nama Bung Karno minangka nama Jembatan Ampera punika. Ananging, pamanggih punika boten pikantuk dukungan saking pamaréntah saha sapérangan masyarakat. [1]

Keistimewaan[sunting | sunting sumber]

Wiwitanipun, bagéyan tengah badan jembatan punika saged kaangkat minggah supados tiang kapal ingkang lewat ing sangandhapipun boten kasangkut badan jembatan. Bageyan tengah jembatan saged kaangkat kanthi piranti mekanis, kalih bandul pemberat piyambak-piyambak kanthi bobot antawis 500 ton ing kekalih menaranipun. Kecepatan pengangkatanipun antawis 10 meter per menit kanthi total wekdal ingkang dipunbetahaken saperlu ngankat dangunipun antawis 30 menit. Nalika bagéyan tengah jembatan kaangkat, kapal kanthi ukuran amba 60 meter saha kanthi inggil total 44,50 meter, saged lewat ing Kali Musi. Menawi bagéyan tengah jembatan punika kaangkat, inggil total kapal ingkang ngandhap jembatan namung 9 meter saking nginggil toya kali.[5]

Wiwit taun 1970, aktivitas jembatan punika sampun boten dipun tindakaken malih. Alasanipun, wekdal ingkang dipun betahaken saperlu ngangkat bagéyan tengah dipunraosaken nganggu lalu lintas ing sanginggilipun jembatan.

Nalika taun 1990, kekalih bandul ing menara jembatan dipunandahapaken saperlu ngindhari dhawahing beban pemberat kekalih punika.[1]

Cathetan Suku[sunting | sunting sumber]

  1. ^ a b c "Dibiayai Jepang, Jembatan Ampera Dulu Bernama Bung Karno", Detik.com, 6 Agustus 2007. diaksès tanggal 9 Desember 2012. 
  2. ^ "33 Tahun Sudah Jembatan Ampera Tak Bisa Naik Turun Lagi", Kompas, 19 April 2003. diaksès tanggal 9 Desember 2012. 
  3. ^ "Pariwisata Palembang", bumisriwijaya.com. diaksès tanggal 9 Desember 2012. 
  4. ^ [1]
  5. ^ "Menunggu Wajah Baru Jembatan Ampera", Tempo, 31 Maret 2005. diaksès tanggal 9 Desember 2012. 

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Jembatan_Ampera&oldid=835633"