Jeler alit

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jeler alit
Kepala Nemacheilus chrysolaimos,
Saking Cihideung Ilir, Ciampea, Bogor
Klasifikasi èlmiah
krajan: Animalia
filum: Chordata
kelas: Actinopterygii
ordo: Cypriniformes
kulawarga: Balitoridae
Genus: Nemacheilus
Species: N. chrysolaimos
Jeneng binomial
Nemacheilus chrysolaimos
(Valenciennes, 1846)
Sinonim

Noemacheilus fasciatus Kuhl & van Hasselt, 1823 (in part)[1]
Cobitis chrysolaimos Valenciennes, 1846[2]

Jeler alit ( Nemacheilus chrysolaimos ) menika jinisng iwak saking toya tawar kanthi awak ingkang alit lan lan kalebet anggota saking suku Balitoridae. Ulam ingkang gesang wonten ing lèpèn-lèpèn alit menika nyebar wonten ing Pulo Jawa sisih kulon. Nama spesièsipun saking tuturan Gerika : chrysos (ψρυσός), ingkang ateges “emas”, lan laimos (λαίμός) ingkang ateges “tutuk”.

Morfologi[sunting | sunting sumber]

Sisi nginggilipun kepala

.

Ulam menika kagungan awak ingkang alit, gilig, dawanipun standar ( tanpa lembar sirip buntut ) dumugi 50 mm. Batanging buntut ( caudal peduncle ) dawanipun kirang langkung 1,1 - 1,5 kali dhuwuripun, tanpa sisik-sisik lancip ing sekitar gurat sisi. Matanipun 18-26 kali langkung cendhet tinimbang dawa standaripun. Wonten 9 - 18 pita (belang) warni ireng tipis ingkang boten ketata ing awakipun. Kepalanipun awarna coklat, kanthi bintik ireng ing antawisipun mata kekalihipun lan kalih bintik sanes, ing bagéyan sisih mata warnanipun radi putih.

Dawanipun awak ing sisih lateral ing antawisipun 19,7 – 24,9% (rata-rata 22,0%) ketandingan kalihan dawa standar (SL, standard length). Dawa kepala ing sisi dorsal menika 16,2 – 20,3 (18,3) % SL. Dhuwuring kepala ing sanginggiling mata 8,3 – 12,5 (10,1) % SL. Dhuwuring awak ing wiwitan sirip dorsal menika 13,9 – 21,6 (16,6) % SL. Dhuwuripun batang buntut 10,2 – 13,1 (11,8) % SL.[3]

Awak ingkang belang-belang. 40 mm SL

Tutukipun wonten ing sangandhapipun mocong nglengkung kados busur. Ing sekitar tutuk wonten tigang pasang sungut cendhèk. Pasangan sungut moncong ( rostral barbels ) ing sisih njero pucukipun dumugi tengah mata bagéyan ngandhap. Pasangan sungut moncong ing sisih njawi lan sungut rahang nginggil ( maxillary barbels ) pucukipun saged dumugi parung angka kalih wilayah post-orbital ing sisih kepala. Tonjolan ing nginggilipun bolongan irung ( nares ) bagéyan ngajeng arupi tabung cendhek ingkang kepangkas miring.

Jari-jari sirip punggung ( dorsal ) 4/8 (sederhana/gadhah cabang) ; sirip dubur (anal) 3/5 ; jari-jari sirip dada ( pectoral ) 11-13 ; sirip weteng ( ventral ) 8 ; lan sirip buntut (caudal ) 9+8.

Ekologi[sunting | sunting sumber]

Ulam jeler alit menika gesang wonten ing lepen-lepen ingkang toyanipun bening lan ilining toya menika banter kanthi substrat arupi pasir utawi watu krikil. Ingkang dados mangsa ulam menika tempayak laler ( diptera ) lan ( Trichoptera ).

Cathetan suku[sunting | sunting sumber]

  1. ^ van Hasselt, J.C. 1823. Uittreksel uit een brief van den Heer J.C. van Hasselt, aan den Heer C.J. Temminck, geschreven uit Tjecande, Residentie Bantam, den 29 sten December 1822. Algemeene Kunst- en Letter-Bode voor het jaar 1923, II deel, No 35, Vrijdag den 16 den Mei: 130-133
  2. ^ Cuvier, G. and A. Valenciennes. 1846. Histoire Naturelle des Poissons. Paris (Levrault).
  3. ^ Kottelat, M. 1984. Revision of the Indonesian and Malaysian Loaches of the Subfamily Noemacheilinae. Japan J. Ichthyol. 31 (3):115-260. Part 1 and 2
Sumber artikel punika saking kaca situs web: "http://jv.wikipedia.org/w/index.php?title=Jeler_alit&oldid=835976"