Jean Alesi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jean Alesi
ALESI Jean-24x30-1999b.jpg
Lair 11 Juni 1964 (umur 49)
Sejarah karier dalam ajang Formula Satu
Kewarganegaraan Flag of Prancis Prancis
Taun aktif Cithakan:F1Cithakan:F1
Tim Tyrrell, Ferrari, Benetton, Sauber, Prost, Jordan
Jumlah lomba 202 (201 start)
Juara dunya 0
Menang 1
Podium 32
Total poin 241
Posisi pole 2
Lap tercepat 4
Balapan Kapisanan Grand Prix Perancis 1989
Menang Kapisanan Grand Prix Kanada 1995
Menang Pungkasan Grand Prix Kanada 1995
Balapan Pungkasan Grand Prix Jepang 2001

Jean Alesi (lair ing Avignon, 11 Juni 1964; umur 49 taun) inggih punika satunggaling mantan pembalap Formula 1 asal Perancis. Wekdal punika piyambakipun mandhap wonten ing ajang DTM lan SpeedCar Series. Posisi paling apik Alesi sadanguning wonten ing Formula 1 inggih punika nalika piyambakipun mapan ing posisi angka 4 klasemèn pembalap wonten ing musim 1996-1997.[1]

Profil[sunting | sunting sumber]

Alesi sampun nindakaken start balapan F1 cacahipun kaping 201 wonten ing kurun wekdal 1989-2001. Ingkang unik, éwadéné piyambakipun mandhap langkung saking kaping 200 balapan. Piyambakipun dèrèng naté mlebet kandidat juara dunia. Mekaten ugi dumugi ing pungkasaning karièripun wonten ing F1, Alesi nampung saged menang satunggal balapan kémawon, inggih punika wonten ing Kanada 1995. Punika ugi langkung amargi kabegjan, amargi Michael Schumacher ingkang nalika punika saweg mimpin balapan, ngalami perkawis transmisi wonten ing lap ingkang pungkasan.

Alesi miwiti karièr wonten ing tim Tyrell rikala musim 1989. Wonten ing GP AS ingkang nalika punika dipunadani wonten ing sirkuit jalanan Phoenix, Alesi naté dados bintang nalika piyambakipun unggul lan nglawan Ayrton Senna. Alesi lajeng tetep wonten ing tim Tyrell kanggé 2 musim balapan.[2]

Wonten ing pungkasan taun 1990, sajatosipun, piyambakipun sampun kagungan kontrak kaliyan tim Williams. Anangin ujug - ujug piyambakipun mbatalaken lan langkung milih saperlu kagabung kaliyan tim Ferrari. Kados ingkang sami dipunmangertos, Williams wonten ing wiwitan taun 1990-an minangka raja F1, déné Ferrari nalika punika saweg ancur - lebur. Ananging punika ingkang nama Alesi, piyambakipun langkung milih saperlu ndhèrèk impian nalika alitipun: dados pembalap tim kuda jingkrak.

Pilihanipun milih Ferrari kasunyatan panci lepat. sapérangan tiyang pitados piyambakipun saged dados juara dunia menawi kagabung kaliyan tim Williams. Sadanguning wonten ing Ferrari wiwit taun 1991-1995, Alesi namung saged pikantuk satunggal kamenangan kémawon.[3]

Nalika taun 1996 piyambakipun pindhah dhateng tim Benetton sadanguning 2 musim. Momen unik kadadosan wonten ing GP Australia 1997 nalika piyambakipun kesupèn mlebet pit kanggé ngisi bènsin. Alhasil, mobilipun mogok amargi bènsinipun telas.

Wonten ing taun 1998 piyambakipun kagabung kaliyan tim Sauber sadanguning 2 musim sadèrèngipun wonten ing musim 2000 piyambakipun kagabung wonten ing tim Prost. Lan wonten ing pungkasaning 2001 piyambakipun pènsiun saking Formula 1 sasampuning kagabung kaliyan tim Jordan wonten ing pertengahan musim lajeng piyambakipun pindhah dhateng ajang DTM kanthi gabung kaliyan tim AMG Mercedes-Benz wonten ing musim 2002.[4]

Alesi lajeng mandhap ugi wonten ing ajang SpeedCar Series lan naté dados penantang gelar juara sadèrèng pungkasanipun kawon déning kancanipun piyambak wonten ing F1 rumiyin, Johnny Herbert.

Statistik Formula 1[sunting | sunting sumber]

  • Debut: GP Prancis 1989
  • Start: 201
  • Poin: 240
  • Menang: 1
  • Pole: 2
  • Fastest lap: 4

Lelampahan karèir F1[sunting | sunting sumber]

  • 1989-90 – Tyrell-Ford
  • 1991-95 – Ferrari
  • 1996-97 – Benetton-Renault
  • 1998-99 – Sauber-Petronas
  • 2000-01 – Prost Grand Prix
  • 2001 – Jordan-Honda (wiwiy pertengahan musim 2001)

Cathetan Suku[sunting | sunting sumber]

Pranala Njaba[sunting | sunting sumber]

Cithakan:Autosport International Racing Driver Award Cithakan:F1-bio-stub

Sumber artikel punika saking kaca situs web: "http://jv.wikipedia.org/w/index.php?title=Jean_Alesi&oldid=843271"