Jean-Joseph Étienne Lenoir

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jean-Joseph Étienne Lenoir
Lair 12 Januari 1822
Mussy-la-Ville, Belgia
Pati 4 Agustus 1900
La-Varenne-Saint-Hillaire, Perancis
Padunungan Paris
Kabangsan Perancis-Belgia
Babagan insinyur
Misuwur amarga siklus Lenoir , mesin pembakaran dalam

Jean-Joseph Étienne Lenoir (miyos tanggal 12 Januari 1822, tilar donya tanggal 4 Agustus 1900) inggih punika satunggaling insinyur Perancis-Belgia.

Piyambakipun miyos wonten ing Mussy-la-Ville, Belgia, wonten ing wiwitan taun 1850-an piyambakipun nindakaken migrasi dhateng Perancis, lan dumunung wonten ing wewengkon Paris, lajeng wonten ing mrika piyambakipun ngrembakakaken minat wonten ing lèmpèng listrik. Minatipun wonten ing bidang punika nyebabaken piyambakipun damel panemuan listrik kalebet télégraf listrik ingkang dipundandani.

Mesin Lenoir[sunting | sunting sumber]

Motor Lenoir wonten ing Musée des Arts et Métiers, Paris

Saking taun 1859, percobaan listrik Lenoir damel piyambakipun manggihaken mesin pembakaran dalam ingkang kapisanan, mesin dua tak kanthi silinder tunggal ingkang mbakar campuran gas batu bara lan udhara ingkang dipunnyalakaken déning sistem pembakaran "percikan loncat", lan dipunpatènaken wonten ing taun 1860. Mesin punika béda kaliyan mesin 2 tak ingkang modérn ingkang boten dipunmampetaken sadèrèngipun pembakaran. Sawijining parusahan, Gauthier,[1] dipunbentuk kanggé ngrembakakaken mesin punika, lan kréta kuda roda 3 dipundamel migunkakaken punika. Éwadéné lumampah kanthi saé, pangisèn bahan bakar mesin punika boten èfisièn, radi brisik, panasipun langkung kathah, lan menawi dipunparingi toya adhem ingkang cekap saged risak. Ananging, Scientific American martakaken wonten ing wulan September 1860 bilih surat kabar Paris Cosmos sampun mbiwarakaken bilih abad uap sampun kalampahan,[2] lan saking taun 1865, 143 mesin sampun dipunbangun déning Gauthier, sesarengan kaliyan sapérangan Reading Gas Works kanggé mesin gas Lenoir wonten ing wewengkon London.[3]

Wonten ing taun 1863 Lenoir nedahaken kréta turangga kanthi 3 roda ingkang kaping kalih, dipunébahaken déning "hidrokarbon cair" (petroleum) 1,5 daya kudha kanthi karburator primitif ingkang saged nempuh jarak 18 kilometer saking Paris dhateng Joinville-le-Pont tindak-wangsul wonten ing wekdal 11 jam. Prastawa punika kasil narik kawigatosan tsar Aleksandr II, lan sapérangan buah dipunkirim dhateng Kekaisaran Rusia.[4]

Sapérangan ageng panerapan mesin Lenoir namung dipunginakaken kanggé barang mandheg kaos déné mesin cétak, pompa air, lan piranti mesin. Insinyur sanès, mliginipun Nikolaus Otto, wiwit damel kemajengan wonten ing bab tèknologi pembakaran dalam ingkang langsung damel rancangan Lenoir boten dipunginakaken. Kirang saking 500 mesin Lenoir antawising 6-20 daya kuda dipundamel.

Lenoir tilar donya wonten ing kahanan miskin lan piyambakan wonten ing taun 1900.

Cathetan Suku[sunting | sunting sumber]

  1. ^ Georgano, G.N. Cars: Early and Vintage, 1886-1930. (London: Grange-Universal, 1985)
  2. ^ Scientific American, 1860-09-22
  3. ^ Georgano.
  4. ^ Georgano

Pranala Njaba[sunting | sunting sumber]