Jangot
Jangot (장옷) ya iku jinis sandhangan jaba kang digunakake déning wanita Korea ing mangsa Dinasti Joseon minangka kerudung kanggo nutupi rai.[1] Jangot padha karo durumagi, jubah njaba hanbok.[1] Nanging bedane, jangot duweni gulon (git) lan pita pangiket (goreum).[1] Gulon jangot wujudé simetris kanthi pucuk kang pungkasane ing tengah dada duweni pita ing sisih kiwa lan engenkang ora ditalèkaké, nanging dicekel déning panganggone.[1] Wanita nggunakaké sandhangan iki kanggo nutupi awake lan mung ngatonake rai.[1] Miturut adat Konfusianisme ing mangsa Dinasti Joseon, wanita dipenging ngatonake raine marang wong lanang asing, dadi dhèwèké mau padha ndelékake rai kanti pirangpirang cara nalika metu saka omah.[1] Umume kang nggunakaké jangot ya iku kaum wanita bangsawan (yangban).[1] Jinis penutup rai liyané kang digunakake ing mangsa iku ya iku sseugaechima utawa kerudung kang mèmper rok (chima).[1][2] Sseugaechima luwih ciyut lan endek dibandingake jangot lan digunakake padha kaya jangot.[1]
Cathetan suku[besut | besut sumber]
- ↑ a b c d e f g h i An Illustrated Guide to Korean Culture - 233 traditional key words. Seoul: Hakgojae Publishing Co. 2002. kc. 134–135. ISBN 89-8546-98-1.
{{cite book}}: Check|isbn=value: length (pitulung) - ↑ Time Flows, Fashion Changes[pranala mati permanèn], KNUtimes. Diundhuh tanggal 9 Juni 2010.
| Artikel iki minangka artikel rintisan. Kowé bisa ngéwangi Wikipédia ngembangaké. |