Jan Hus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

'Jan Hus, ugi dipunkenal minangka Yohanes Hus utawi Juan Hus (antawis 1369 - 1415)[1] inggih punika satunggaling pamikir lan réformator agama Kristen ingkang asalipun saking wilayah petuanan negara Ceko (ingkang nalika punika piyambakipun dumunung wonten ing wilayah punika lan dipunkenal minangka provinsi Bohemia).[2] Piyambakipun miwiti sawijining gerakan keagamaan ingkang adhedhasar wonten ing gagasan-gagasan John Wycliffe. Para pengikutipun dipunkenal minangka kaum Hussit. Gereja Katolik nganggep ajaran-ajaranipun sesat lan perlu dipunbrasta amargi badhé nyebabaken dogma ingkang lepat wonten ing kekristenan, lan Hus dikucilaken wonten ing taun 1411, dipunkutuk dening Konsili Konstanz, lan dipunbakar wonten ing tiang salib nalika tanggal 6 Juli 1415, ing kutha Konstanz, Jerman.

Jan Hus dipunbakar ing tiang

Hus inggih punika satunggaling perintis gerakan Protestan. Tulisan-tulisanipun ingkang wiyar nyebabaken piyambakipun dunungi papan ingkang misuwur wonten ing sajarah sastra Ceko. Piyambakipun ugi ngenalaken panganggoan diakritik (mliginipun tanda baca háček) wonten ing ejaan Ceko kanggé makili piyambak-piyambak swara kaliyan sawijining simbol. Sakmenika patung Jan Hus wonten ing lapangan lama ing kutha Praha, ingkang dipunsebut Staroměstské náměstí.[3]

Hari Jan Hus (Den upálení mistra Jana Husa) tanggal 6 Juli minangka pengetan paukuman mati Jan Hus, inggih punika sawijining dinten prei ing Republik Ceko.

Masa timur lan studi[sunting | sunting sumber]

John Hus miyos wonten ing Husinec (75 km kidul-barat daya saking Praha) wonten ing taun 1369.[4]

Pangaruh Wycliffe ing Bohemia[sunting | sunting sumber]

Sasampuning palakrama sadherek wanitanipun Raja Wenceslaus, Anne, kaliyan Richard II saking Inggris taun 1382, tulisan-tulisan John Wycliffe dados kondhang ing Bohemia. Minangka mahasiswa, Hus remen sanget kaliyan piyambakipun, mliginipun déning realisme filsafatipun.

Tulisan-tulisan teologis Wycliffe dipunbekta dhateng Bohemia sakitar 20 taun candhakipun, taun 1401 utawi 1402, dening Hieronimus saking Praha, lan ugi dipunsebaraken kanthi wiyar. Hus, ingkang wekdal punika sampun dados satunggaling sarjana lan pengkhotbah sinode wonten ing yuswa 30-an taun. Piyambakipun dipunyakinaken badhe perlunipun pembaharuan gerejawi. Universitas Praha juang nglawan penyebaran doktrin-doktrin enggal punika, lan wonten ing taun 1403 nglarang bantahan tumrap 45 tesis ingkang dipunpendhet saperangan saking Wycliffe. Uskup Agung Zbyněk Zajíc miggah tahta taun 1403; piyambakipun lan Hus wiwitanipun njalin hubungan ingkang saé, saperangan amargi reputasi ageng Hus minangka satunggaling pengkhotbah ingkang saé, ananging taun 1405 Uskup Agung rumaos kapeksa kangge nyingkiraken piyambakipun amargi serangan-seranganipun dhateng kaum agamawan.[5]

Cathetan Suku[sunting | sunting sumber]

  • Schaff-Herzog: Encyclopedia of Religion

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Jan_Hus&oldid=869585"