James Dewey Watson

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
James Dewey Watson
James D. Watson
James D. Watson
Miyos 06 April 1928 (umur 86)
Chicago, Illinois, A.S.
Dalem A.S., Britania Raya
Kabangsan Amérika Sarékat
Bidhang Biologi molekular
Lembaga Cold Spring Harbor Laboratory
Lulusan saking Univèrsitas Chicago, Univèrsitas Indiana
Doktoral advisor Salvador Luria
Kaahlian Struktur DNA, Biologi molekular
Notable awards Hadhiah Nobel (1962)
Agama boten kagungan (Ateis)[1][2]

James Dewey Watson (miyos ing Chicago, 6 April 1928) punika satunggiling èlmuwan biologi molekul kabangsan Amérika Sarékat ingkang dipuntepangi utaminipun minangka salah satunggil panemu struktur molekul DNA. Panjenenganipun nampi Hadhiah Nobel Kadhokteran sesarengan kaliyan Francis Crick lan Maurice Wilkins ing taun 1962 margi panemon struktur molekul asam nukleat lan tegesipun kanggé pamindhahan informasi.

Watson nampi gelar B.A. saking Univèrsitas Chicago lan teras nampi Ph.D. ing Universitas Indiana taun 1950. Watson pinanggih Francis Crick nalika kekalihipun nyambut damel ing Laboratorium Cavendish ing Univèrsitas Cambridge, Inggris. Wigatos dhumateng struktur DNA, kekalihipun damel modhel ingkang kasil dhateng asam nukleat taun 1953. Ing taun 1956 Watson pindhah dhateng Bagéyan Biologi ing Harvard, ing pundi panjenenganipun nyinaoni RNA. Panjenenganipun dados dhirèktur Cold Spring Harbor Laboratory ing Long Island, New York wiwit taun 1968. Panjenenganipun sampun mbiyantu damel lembaga puniki dados pusat panlitèn genetika molekuler lan kanker, ing atawisipun topik sanèsipun. Watson nglampahaken Human Genome Project ing NIH wiwit taun 1988 dumugi taun 1992.

Buku Watson ingkang laris sanget The Double Helix, dipunterbitaken taun 1968, nyariyosaken malih taun-taun risèt DNA.

Kontrovèrsi[sunting | sunting sumber]

Ing tanggal 25 Oktober 2007 James Watson ngunduraken dhiri saking posisinipun minangka kepala Cold Spring Harbor Laboratory. Perkawis puniki dipunjalari amargi pranyatanipun ingkang dipunanggep asifat rasis utawi eugenetis, kakait kaliyan kambotensagetan bangsa-bangsa Afrika salabeting damel kagesanganipun saya saé lan tiyang kulit cemeng ingkang dipunanggep boten kompetèn. Amargi pranyatanipun puniki, sapérangan lembaga akadhemik ing Inggris mbatalaken undhangan dhumateng piyambakipun kanggé wicara ing sangajengipun publik lan lembaga ingkang dipunpimpin nyekors piyambakipun.

Taun-taun sadèrèngipun, panjenenganipun ugi naté nelakaken bilih satunggiling ibu saénipun dipunidinaken ngguguraken kandhutanipun menawi dipunmangertos yoga ingkang dipunkandhut mbeta gen homoseksual.

Panjenenganipun naté ugi nelakaken bilih wonten kamungelan kaitan antawis warna kulit lan "nafsu seksual" (sexual prowess), sarta antawis dhuwuring badan lan ambisi. Pranyatan kontrovèrsial sanèsipun inggih punika bilih kabodhoan (stupidity) punika panyakit genetis ingkang kedah dipuntangani sacara mèdhik.[3]

Cathetan suku[sunting | sunting sumber]

  1. ^ Watson is identified as an atheist by his acquaintance, Rabbi Marc Gellman. Trying to Understand Angry Atheists: Why do nonbelievers seem to be threatened by the idea of God?, by Rabbi Marc Gellman, Newsweek, April 28, 2006. Retrieved November 11, 2006.
  2. ^ When asked by a student if he believed in God, Watson replied "Oh, no. Absolutely not... The biggest advantage to believing in God is you don't have to understand anything, no physics, no biology. I wanted to understand." JoAnne Viviano. "Nobel Prize-winning scientist wows some, worries others", The Vindicator, October 19, 2007. diaksès tanggal 2007-10-19. 
  3. ^ Controversial Nobel winner resigns CNN Online 25 Oktober 2007. Dipunaksès 26 Oktober 2007

Pranala njawi[sunting | sunting sumber]



Sumber artikel punika saking kaca situs web: "http://jv.wikipedia.org/w/index.php?title=James_Dewey_Watson&oldid=821064"