Jalak Bali

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jalak Bali
Jalak Bali ing Kebon Kéwan Brookfield
Status konsèrvasi
Klasifikasi èlmiah
krajan: Animalia
filum: Chordata
kelas: Aves
ordo: Passeriformes
kulawarga: Sturnidae
Genus: Leucopsar
Stresemann, 1912
Species: L. rothschildi
Jeneng binomial
Leucopsar rothschildi
Stresemann, 1912

Jalak Bali nggadhahi nami Latin Leucopsar rothschildi.[1] Jalak bali menika nami aslinipun curik bali. [1] Peksi jalak bali menika dawanipun mboten langkung saking 25 cm.[1] Kejawi menika ciri sanèsipun inggih menika wulunipun ingkang pethak resik saha wonten ing pucuking buntut saha lar awerna cemeng.[1] Jalak bali nggadhahi werni biru wonten ing sakupengipun soca saha sikil.[1] Werni menika sangsaya ndamel peksi jalak bali ketingal saé.[1] Jalak bali kathah dipunremeni tiyang amargi swantenipun ingkang saé.[1]

Jalak bali menika salah setunggaling kéwan éndemik amargi namung saged dipunpanggihi wonten ing Bali.[1] Ananging wonten ugi jalak bali ingkang gesang wonten ing panggènan sanès, menika amargi jalak bali sampun dipuntengkaraken.[1] Ananging jalak bali ingkang dipuntengkaraken menika namung manggèn wonten kandhang.[1] Panggènan menika kadosta wonten ing Éropah, Jepang, Jawa.[1]

Jalak bali kalebet kéwan ingkang langka amargi kathah ingkang mburu, kejawi menika lingkungan ingkang risak wonten ing Taman Nasional Bali Kilèn.[1] Miturut panalitèn, cacahipun peksi menika namung kantun welasan.[1] Mangsa kawin jalak bali menika nalika wulan Oktober ngantos November. [1] Jalak bali ndamel susoh wonten ing wit-witan ingkang inggilipun kirang saking 175 cm.[1] Jalak bali menika remen semak saha wit-witan ing panggènan ingkang wiyar saha caket kaliyan wana ingkang ngrembuyeng.[1] Nalika rumuyin jalak bali asring ndamel susoh wonten ing kebon klapa sawit caket griya-griya pandhudhuk.[1] Karemenan gesang wonten ing panggènan-panggènan menika ingkang ndadosaken peksi jalak bali gampil dipuncepeng tiyang.[1] Kanggé njagi populasi jalak bali supados mboten punah kedah dipuntengkaraken saha njagi habitat jalak bali.[1]

Nalika taun 1991 jalak bali dados lambang fauna Provinsi Bali .[2]

Cathetan suku[sunting | sunting sumber]

  1. ^ a b c d e f g h i j k l m n o p q r s (id)indotoplist.com(dipunundhuh tanggal 7 Oktober 2011)
  2. ^ (id)kidnesia.com(dipunundhuh tanggal 7 Oktober 2011)
Sumber artikel punika saking kaca situs web: "http://jv.wikipedia.org/w/index.php?title=Jalak_Bali&oldid=833043"