Jacques Cousteau

Saka Wikipédia Jawa, bauwarna mardika basa Jawa
Jacques Cousteau

Jacque Cousteau ya iku pelopor filem dokumenter sesawangan ngisor sagara.[1] Jacque lair ing St. Andre de Cubzac, Prancis, tanggal 11 Juni taun 1910.[1] Kawit cilik, dhèwèké wis seneng sagara.[1] Nalika umure patang taun, dhèwèké sinau nyelem.[1] Cousteau uga seneng karo kanga aran mesin.[1] Nalika umure 13 taun, dhèwèké tuku suting nganggo dhuwit celengane.[1] Sawisé ngothak-athik potone, dhèwèké moto sesawangan kang ana ing omahé.[1] Dhèwèké banjur nganakake panaliten ngenani endahe sesawangan dhasar sagara.[1] Pirang-pirang piranti, kaya ta selang kanggo ambekan, sandhanagn nglangi, lan piranti ambekan wis digawé kanggo njurung panalitene mau.[1] Cousteau uga gawé lapisan tahan banyu kanggo nutupi sutinge.[1]

Taun 1943, dhèwèké karo sawijining teknisi Prancis kanthi aran Emile Gagnan, nyipta aqua lung.[2]Aqua lung ya iku piranti kang dugunaake nalika ambekan ana ing dhasar sagara.[2] Taun 1955, dhèwèké ngananake pelayaran ana ing Laut Merah lan Samodra Hindia nganggo ongkos saka pamaréntah Prancis lan Natioanl Geographic.[2] Ing kono, dhèwèké ngrekam sesawangan dhasar sagara nganggo sutinge.[2] Asile ya iku sawijining filem dokumenter kanthi irah-irahan The Silent World.[2] Film iki bisa nggambaraké iwak hiu kang nglangi kanthi iring-iringan.[2] Film iki uga gawé Cousteau dadi pemenang ing Academy Award.[2] Taun 1966, dhèwèké uga kasil menangake Academy Award kanthi irah-irahan filem ya iku World Without Sun.[2] filem iki minangka asil paneliten lanjutan kang dianakake déning Cousteau.[2] Cousteau tinggal dunya tanggal 25 Juni 1997.[2]

Cathetan suku[besut | besut sumber]

  1. a b c d e f g h i j [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 147]
  2. a b c d e f g h i j [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 148]