Jacobus H. van 't Hoff

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jacobus Henricus van 't Hoff

Jacobus Henricus van 't Hoff (30 Agustus 18521 Maret 1911) inggih punika salah satunggaling kimiawan fisika lan Kimia Organik saking Belanda lan pamenang Penghargaan Nobel bidang Kimia taun 1901 Panaliténipun babagan kinetika kimia, kesetimbangan kimia, tekanan osmotik lan ugi kristalografi dipunakoni minangka kasil karya utamanipun. Jacobus ugi ndhrikaken bidang ilmu kimia fisika kados ingkang kita kenal sakmenika, piyambakipun ugi dipunanggep minangka salah satunggaling kimiawan paling ageng sepanjang masa kaliyan kimiawan Perancis Antoine Lavoisier, Louis Pasteur lan ahli kimia Jerman Friedrich Wöhler.[1]

Taun-taun wiwitan[sunting | sunting sumber]

Piyambakipun miyos wonten ing Rotterdam, Belanda. Minangka putra ingkang angka 3 saking 7 sadhérék. Jacobus Henricus van 't Hoff, satunggaling dokter, lan Alida Jacoba Kolff.

Nalika taun 1869 piyambakipun mlebet wonten ing Universitas Teknologi Delft lan pikantuk gelar diploma bidang teknologi nalika taun 1871. Ananging, keputusanipun saperlu ndhérék karier ilmiah murni, rawuh sanalika sasampunipun makarya wonten ing wekdal libur wonten ing pabrik gula nalika piyambakipun ngantisipasi pakaryanipuningkang surem minangka teknolog. Sasampunipun nelasaken masa setunggal taun wonten ing Leiden, utamanipun kanggé bidang matematika, piyambakipun pindhah dhateng Bonn saperlu mkarya kaliyan Kekule von Stradonitz saking musim gugur taun 1872 dumugi musim semi taun 1873; lajeng kalajengaken wonten ing Paris kaliyan C.A. Wurtz, nalika piyambakipun nglampahi sapérangan ageng kurikulum antawis taun 1873-1874. Piyambakipun wangsul malih dhateng [[Belanda] nalika taun 1874 lan pikantuk gelar doktor ingkang wonten ing taun ingkang sami kaliyan E. Mulder ing Utrecht.[2]

Nalika taun 1876 piyambakipun dados dosen wonten ing Fakultas Kedokteran Hewan wonten ing Utrecht, ananging ninggalaken kedudukan punika saperlu jabatan ingkang sami wonten ing Universitas Amsterdam nalika taun candhaipun. Nalika taun 1878 piyambakipun katunjuk dados guru besar Kimia, Mineralogi, lan Geologi wonten ing universitas ingkang sami. Sabibaripun njabat antawis 18 taun piyambakipun nampi undhangan dhateng Berlin minangka Profesor Kehormatan, dipunsambung kaliyan keanggotaan wonten ing Akademi Ilmu Pengertahuan Kerajaan Prusia. Alesan éwahan punika inggih amargi piyambakipun rumaos kathah dipunparingi beban kanthi kuwajiban maringi kuliah dasar lan nguji kathah mahasiswa, kalebet ugi propaedeutika medis, damel wekdal kanggé risetipun dados kirang. Piyambakipun inggih punika penasihat ingkang rajin kanggé pambentukan pembagian mligi pekerja ilmiah. Piyambakipun tetp wonten ing kedudukan punika dumugi sdéanipun.[3]

Penghargaan lan Peninggalan[sunting | sunting sumber]

Saking sajumlah medali, piyambakipun nyebataken bilih Hadhiah Nobel Kimia wonten ing taun 1901 minangka titik kulminasi karieripun. Nalika taun 1885 piyambakipun dipunangkat minangka anggota Akademi Ilmiah Kerajaan Belanda, sabibaripun nominasinipun boten dipunlebetaken taun 1880 amargi cacahing swanten ingkang boten cekap (bukti bilih nalika wiwitan pamanggihipun boten kathah ingkang nampi wonten ing negaranipun piyambak). Wonten ing antawising medalinipun inggih punika gelar doktor kehormatan saking Harvard lan Yale (1901), Universitas Victoria Manchester (1903), Heidelberg (1908); Medali Davy saking Royal Society (1893), Medali Helmholtz saking Akademi Ilmiah Kerajaan Prusia (1911); piyambakipun ugi dipunangkat minangka Chevalier de la Legion d'Honneur (1894), Senator der Kaiser-Wilhelm-Gesellschaft (1911). Piyambakipun ugi salah satunggaling anggota kehormatan Chemical Society, London (1898), Akademi Ilmiah Kerajaan, Gottingen (1892), American Chemical Society (1898), Académie des Sciences, Paris (1905).[4]

Info pribadi[sunting | sunting sumber]

van 't Hoff inggih punika salah satunggaling tiyang ingkang remen kaliyan alam; minangka mahasiswa wonten ing Leiden piyambakipun asring ndhérék perjalanan botanis, lajeng wonten ing Bonn piyambakipun kanthi saéstu ngraosaken hawa pegunungan wonten ing sakitaripun. Nalika taun 1878 piyambakipun palakrama kaliyan Johanna Francina Mees. Ingkang dipunparingi 2 putri, Johanna Francina (l. 1880) lan Aleida Jacoba (l. 1882) lan ugi 2 putra, Jacobus Hendricus (l. 1883) lan Govert Jacob (l. 1889).[5]

van 't Hoff tilar donya wonten ing daerah Steglitz caket Berlin, Jerman.

Cathetan Suku[sunting | sunting sumber]

Pranala Njaba[sunting | sunting sumber]