J-Rocks
| J-Rocks | ||
|---|---|---|
| J-Rocks ジェ-ロックス | ||
| Latar wuri | ||
| Lair | 9 November 2003 Jakarta, Indonésia
| |
| Jinis Musik | pop rock, j-pop, Dangdut | |
| Taun aktif | 2003-saiki | |
| Parusahan rekaman | Aquarius Musikindo | |
| Diprabawani déning | L'Arc~en~Ciel, Malice Mizer, Muse, Nirvana | |
| Situs resmi | http://j-rocks.co.id | |
| Anggota | ||
| Iman Taufik Rachman-vocal, gitar Swara Wima Yoga-bass Sony Ismail Robbayani-gitar Anton Rudy Kelces-drum | ||
J-Rocks ya iku grup musik saka Indonesia kang njupuk aliran Japanese pop/rock.[1] Grup iki ana wiwit tanggal 9 November 2003.[2] Grup band iki asalé saka Jakarta.[1] Personil grup band iki ya iku Iman minangka vokalis, Sony minangka gitaris, Wima minangka bassis, lan Anton minangka drummer.[1] Jeneng J-Rocks wiwit munggah sawisé dadi finalis lan dadi juwara pertama ing kontès musik kang dianakake Nescafe.[2] Ing kana, grup band iki bisa ngalahake rong grup band saingane, ya iku B-Five saka Makasar lan Cool Khas saka Yogyakarta.[2] Grup iki menang amarga warna musike kang durung ana ing Indonésia. Banjur grup band iki éntuk kontrak rekaman kang dilabeli Aquarius Musikindo.[1] Saiki, grup band iki bisa saingan karo grup band papan atas kaya déné Samsons, Padi lan Déwa.
Sujarah J-Rocks[besut | besut sumber]
Wiwitan taun 2004, JRS (singkatan saka J-Rockstar) mèlu festival musik kang dianakake déning Nescafe Get Started 2004 kang disponsori déning Nescafe, Trans TV, lan Aquarius Musikindo.[2] Grup band iki bisa dadi juwara lan saka iku bisa nggawe album kompilasi Nescafe Get Started kang dadi wiwitan kerjasama karo Aquarius Musikindo.[2] Ing taun 2005, grup band iki bisa ngetokaké album kang pisanan kanthi irah-irahan "Topeng Sahabat" lumantar label Aquarius.[2]
J-Rocks saya ditepungi déning masarakat sawisé ngetokaké album kang kaping pindho kanthi irah-irahan "Spirit".[2] Ing tembang kanthi irah-irahan "Kau Curi Lagi", dhèwèké kolaborasi karo gitaris wadon kang jenenge Prisa.[2] Ing tembang "Juwita Hati", grup band iki nggawe konsèp rekaman ing Jepang kang digarap déning Hedy Suryawan.[2] Selvin, Sato, lan Boppy ing video klip iki akting dadi fans J-Rocks kang ngoyak nganti tekan nagara Sakura iku.[2] Ora tanggung-tanggung, kawasan kaya déné Shibuya lan Harajuku uga dadi panggonan nggawé video klip.[2] Konsep video klip iku kang ndadèkaké grup band J-Rocks tambah kawentar ing Indonesia.[2]
J-Rocks nyithak sujarah kanthi dadi pemenang ing A Mild Live Soundrenaline ing taun 2008 "Free Your Voice".[1] Saka iku, grup band iki banjur bisa rekaman ing studio rekaman Studio Abbey Road, London, Inggris.[1] Ana telung tembang kang wis dicakake kanggo rekaman ing studio iku, ya iku Falling in Love, Hanya Aku, lan Meraih Mimpi.[1] Grup band iki ngarep-ngarep kanthi rekaman ing studio iku, bisa dadi go International.[1] Ora mung J-Rocks thok, studio Abbey Road uga dadi panggonan rekamane artis saka manca nagara, kaya déné Pink Floyd, Oasis, Green Day, Placido Domingo, Spice Girls, The Beatles, Josh Groban, Radiohead, Muse lan U2.[1][2]
J-Rockstar[besut | besut sumber]
Inspirasi jeneng J-Rockstar kawiwitan saka stiker kang ana tulisan Rockstar, kanthi kepinginan supaya bakale bisa dadi bintang rock kondhang.[1] Banjur kena tambahan hurup J ing ngarepe, karepe supaya bisa makili band iku.[1] J bisa ateges Jepang amarga dhèwèké nggarape tembang J-Music, Jakarta amarga dhèwèké asalé saka Jakarta, Jujur sajerone main tembang ateges mainake apa kang bener-bener dhèwèké senengi lan péngin main musik kang ana jiwané. Amarga saking dawané, jeneng J-Rockstar banjur dicekak dadi J-Rocks, lan jeneng J-Rockstar iku saiki dadi jeneng fans J-Rocks.[1]
Diskografi[besut | besut sumber]
Album Studio[besut | besut sumber]
| No. | Cover Art | Irah-Irahan Album | Track Tembang | Tahun Rilis | Angka Penjualan | Sertifikat |
|---|---|---|---|---|---|---|
| 1 | Barkas:Topeng Sahabat.jpg | Topeng Sahabat | Lepaskan Diriku, Ceria, Kuingin Kau Untukku, Selamat Tinggal Kekasihku, Mestinya Kuakhiri Semua, Berharap Kau Kembali, Kono Mune Ni, Topeng Sahabat, Cahayamu, Entah Bagaimana. | 2005 | 450.000 kopi | 6x Platinum |
| 2 | Spirit | Spirit, Kau Curi Lagi, Cobalah Kau Mengerti, Juwita Hati, PDKT, Mestinya Kau Tahu, Saatnya Ku Bicara, Aku Harus Bisa, Semakin Sendiri, Tersesal. | 2007 | 450.000 kopi | 6x Platinum | |
| 3 | Barkas:J-Rocks-RTA.jpg | Road To Abbey | Intro (Road To Abbey), Meraih Mimpi, Hanya Aku, Falling in Love (English), Falling in Love (Indonesia) | 2009 | 75.000 kopi | Platinum |
Album Kompilasi[besut | besut sumber]
| No. | Cover | Irah-irahan Album | Track Tembang | Tahun Rilis | Label |
|---|---|---|---|---|---|
| 1 | - | Nescafe Get Started | Mestinya Kuakhiri Semua. | 2005 | Aquarius Musikindo |
| 2 | OST Dealova | Serba Salah, Into The Silent. | 2005 | Aquarius Musikindo | |
| 3 | Barkas:Aquarius-top.jpg | The Best of Top | Falling in Love | 2010 | Aquarius Musikindo |
| 4 | - | 40TH Anniversary Aquarius | Madu dan Racun | 2010 | Aquarius Musikindo |
Pranala njaba[besut | besut sumber]
- Situs web resmi J-Rocks
- Blog resmi J-Rocks Archived 2010-11-23 at the Wayback Machine.
- Akun resmi J-Rocks ing Twitter
- Akun resmi J-Rocks ing Facebook
- J-Rocks Chaneel ing Youtube
- J-Rocks ing Aquarius Musikindo Archived 2009-05-18 at the Wayback Machine.
- J-Rocks ing Kapanlagi.com
Cathetan suku[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |