Jöns Jakob Berzelius

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
gambar Jöns Jakob Berzelius

Jöns Jakob Berzelius (lahir ing Väversunda, Östergötland, Swedia, 20 Agustus 1779 – seda ing Stockholm, Swedia, 7 Agustus 1848 ing yuswa 68 tahun) yaiku salah sijining ilmuwan saka Swedia kang ngusulake supaya saben perangan kimia disukani lambang kang arupa aksara ngareo saka jeneng perangan kasebut ing basa latin.[1] Dheweke uga nuduhake menawa atom-atom kang terikat ing molekul amerga ana tegangan listrik.[1] Dheweke nemokake perangan kimia, kaya silikon, selenium, thorium lan serium.[1]

Biografi[sunting | sunting sumber]

Lahir ing Väversunda, Östergötland, Swedia, Berzelius kelangan wong tuwa kaloron rikala isih cilik.[2] Sadulur ing Linköping kang momong dheweke, lan ing kana dheweke sekolah lan kerb diarani Katedralskolan.[2] Dheweke banjur dhaftar ing Uppsala University jurusan kedhokteran tahun 1796-1801, Anders Gustaf Ekeberg , panemu tantalum kang ngajari dheweke babagan kimia.[2] Dheweke kerja mawa karyawan magang ing apotek lan karo dhokter ing Medevi.[2] Sasuwene iku dheweke nglakokake analisis saka sumber banyu. Kanggo panaliten medis, dheweke neliti pengaruhe arus galvanik ing penyakit-penyakit lan lulus mawa MD ing tahun 1802.[2] Dheweke kerja mawa dhokter cedhak Stockholm nganti sing duwe tambang Wilhelm Hisinger nemokake kabisane nganalisis lan ngewenehi dheweke laboratorium.[2] Antwise tahun 1808 lan 1836, Berzelius kerja banreng kalian Sundström Anna, kang dadi asistene.[2]

Tahun 1807 Berzelius diangkat dadi profesor ing bidang kimia lan farmasi ing Institut Karolinska.[2]

Tahun 1808, dheweke kapilih dadi anggota saka Royal Swedish Academy of Sciences.[2] Saiki, akademi kuwi wis mandheg pirang-pirang tahun, awit jaman romantisme ing Swedia kang nyebabake ora seneng karo ilmu.[2] Tahun 1818, Berzelius kapilih dadi sekretris Akademi, lan nyekel pos nganti 1848.[2] Sasuwene iku, dheweke ngutangake lan ngowahi akademi saengga bisa nggawa ing jaman kamasane kaping pindho.[2] Dheweke kapilih dadi anggota Kehormatan Luar Negeri, ing akademi seni dan Ilmu pengetahuan Amerika tahun 1822.[2] Tahun 1837, dheweke kapilih mawa anggota Akademi Swedia ing nomer kursi lima.[2]

Cathetan Suku[sunting | sunting sumber]

  1. ^ a b c (id)Jöns Jakob Berzelius (dipunundhuh tanggal 2 Januari 2013)
  2. ^ a b c d e f g h i j k l m n (id)Berzelius Paling Terkemuka Kontribusi Kimia (dipunundhuh tanggal 2 Januari 2013)