Iwak tawes

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tawes
Tawes, Barbonymus gonionotus,
dari Mandalamekar, Jatiwaras, Tasikmalaya
Klasifikasi èlmiah
krajan: Animalia
filum: Chordata
kelas: Actinopterygii
ordo: Cypriniformes
kulawarga: Cyprinidae
Genus: Barbonymus
Species: B. gonionotus
Jeneng binomial
Barbonymus gonionotus
(Bleeker, 1850)
Sinonim

Barbus gonionotus Bleeker, 1850[1]
Barbus javanicus Bleeker, 1855
Barbus koilometopon Bleeker, 1857
Puntius jolamarki Smith, 1934
Puntius viehoeveri Fowler, 1943

Iwak Tawès (Barbonymus gonionotus Bleeker, 1850) yaiku iwak kali kang biasané dipangan ing daérah Asia Tenggara.[2] Iwak tawès kagolong iwak kang disenengi minangka panganan iwak gorèng.[2] Ukurané sedeng lan wis dibudidiyakaké ing blumbang-blumbang miturut laporan abad kaping 19. Iwak iki isih seduluré iwak nilem.[2] Barnoides gonionotus utawa iwak tawès (Indonesia), iwak Lampam Jawa (melayu), Thai Silver Barb (Thailand), Indonesian Barb, Java Barb, utawa Common Silver Barb kalebu familia Cyprinidae, Isa nganti dawa total 41 cm, ananging ing Reservoir lan Tchang Thailand tau dicekel kang ukurané 45cm kanti abot 2,1 kg. Iwak iki mulai dibudidayakaké ing taun 1985. Wis disaluraké ing Benua Asia DAS Mekong lan Chao Phraya, Thailand, Malaysia, Sumatera lan Jawa. Urip ing banyu tawa kanti suhu tropis 22 – 28°C; pH 7. Iwak iki isa katemokaké ing kali ing kejeruan nganti luwih saka 15 meter, rawa banjiran lan waduk.[3]

Ciri-Ciri[sunting | sunting sumber]

Iwak tawès nduwèni bentu awak rodok dawa lan gèpèng kanti geger dhuwur, endasé cilik, cangkem cilik ana ing pucuk irung, sungut cilik utawa rudimenter. Ing ngisor garis rusuk sisik 5,5 iji lan 3,5 iji ing antarané garis rusuk lan sirip pertama ing weteng. Garis rusuk sempurna cacahé 29-31 iji. Awak wernané rodok perak lan keirengan ing bagéyan geger. Ing moncong ana tonjolan-tonjolan kang cilik. Siripé geger lan buntut wernané abu-abu utawa kekuningan, sirip dada wernané kuning lan sirip silèt wernane kuning téla. Sirip silèt nduwèni 6,5 cabang.[3] Iwak iki gampang manak ing blumbang kanti rangsangan alami, saben taun. Ing perairan umumé netesaké ing musim rendheng. Iwak kang siap ngendog biasané ing umur 8 wulan kanti ukuran dawa 20 cm bobot 175 gram kanti fekunditas kira-kira 25.980-86.916 iji endog. Endog bakal mingslep ing ngisor banyu (demersal) lan netes sajroné 13 nganti 20 jam. Iwak tawès kalebu kèwan kang sipaté omnivora. Pakanané saka wit-witan (kayata godhong-godhongan), Ipomea reptans, lan Hydrilla), fitoplankton lan invertebrata. Biasane anggone nyekel iwak iki migunakaké alat cekel kayat jaring, ngesar, tuguk, jala lan alat cekel trap yaitu sengkirai.[3]

Kandutan[sunting | sunting sumber]

Kandutan gizi kang ana ing iwak bawal yaiku:

  1. Omega 3, Kanggo pertumbuhan otak ing janin lan penting kanggo perkembangan fungsi sarap bayi.[4]
  2. Ngandut serat protein kang cendak sahingga gampang dicerna.[4]
  3. Vitamin A sajroning minyak ati iwak kanggo nyegah penyakit wuta.[4]
  4. Vitamin B12, kanggo pembentukan sel darah abang, mbantu metabolisme lemak, lan nglindungi jantung uga rusake sarap.[4]
  5. Flour kanggo nguatake lan nyehatake untu anak.[4]

Mupangat[sunting | sunting sumber]

Akuakultur[sunting | sunting sumber]

Iwak iki kalebu siji saka lima jenis iwak bayu tawa terpenting saka pangingonan ing Thailand [5]. Kayata iwak nila, tawès gampang diengu tanpa merlokaké teknik kang rumit lan larang, ndadèkaké iwak kolam kang populèr ing Bangladesh [6]. Taksiran produksi iwak tawès saka pemeliharaan ing wilayah Asia Tenggara lan Bangladesh yaiku luwih saka 50.000 ton ing taun 1994. Diengu ing blumbang, tawès jarang nganti dawa awaké ngluwihi 40 cm lan bobot ngluwihi 1,5 kg.

Masakan[sunting | sunting sumber]

Tawès yaiku alah siji iwak kali kang biasa dipangan wong ing daerah Asia Tenggara daratan utawa kepulauan. Iwak tawès kagolong iwak kang disenengi minangka dikonsumsi.

Tawès arupa iwak konsumsi kang penting miturut tradisi masak-memasak ing Thailand, Laos, dan Kamboja. Ing Laos, tawès biasa dimasak minangka Lap Pa[7]. Anata ing Thailand, daging tawès dimasak minangka Pla som (ปลาส้ม, iwak asam)[8] utawa minangka salah sijiné campuran Tom yam.


Catetan sikil[sunting | sunting sumber]

  1. ^ Flag of Austria Austria (1849) 1850. Bijdrage tot de kennis der ichthyologische fauna van Midden- en Oost-Java, mit beschrijving van eenige nieuwe species. Verh. Bat. Gen. Kunst. Wetens. 23: 1-23.
  2. ^ a b c tawes, (Kaunduh 1/10/2012).
  3. ^ a b c ikan-tawes, (Kaunduh 24/10/12).
  4. ^ a b c d e kandungan-ikan-kaya-akan-manfaat, Kaunduh 11/10/12.
  5. ^ "National Aquaculture Sector Overview - Thailand". Food and Agriculture Organization of the United Nations. http://www.fao.org/fi/website/FIRetrieveAction.do?dom=countrysector&xml=naso_thailand.xml.
  6. ^ Women integrate fish and farming
  7. ^ Lap Pa Keng (Minced Raw Fish)
  8. ^ Pla som, or sour fish


Pranala Jaba[sunting | sunting sumber]

[1] [2] [3]

Sumber artikel punika saking kaca situs web: "http://jv.wikipedia.org/w/index.php?title=Iwak_tawes&oldid=834652"