Iwak piranha

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Iwak piranha
Klasifikasi èlmiah
krajan: Animalia
filum: Chordata
kelas: Actinopterygii
ordo: Characiformes
kulawarga: Serrasalmidae
Géry, 1972
Genera

Catoprion
Pristobrycon
Pygocentrus
Pygopristis
Serrasalmus

Iwak Piranha utawi piraña (uniné /pɨˈrɑːnjə/, /pɨˈrænjə/, /pɨˈrɑːnə/, utawi /pɨˈrænə/) menika salah satunggaling jinis iwak toya tawar ingkang gesang wonten ing sungai-sungai wonten Amerika Selatan. Wonten ing sungai-sungai Venezuela, ulam menika dipunwastani caribes. Ulam piranha kawéntar kanthi waja ingkang landhep lan karnivora utawi kéwan ingkang mangan daging [1].

Jinis Ulam Piranha[sunting | sunting sumber]

Iwak piranha kagolong ulam ingkang wujudipun radi aneh mliginipun kepala iwak piranha kathahipun ageng kanthi garis tutuk mangandhap. Dawanipun ulam menika saking 14 cm dumugi 26 cm. Ananging wonten ingkang manggihaken ulam piranha kanthi dawa 43 cm [2].

Adhedhasar sub-famili-nipun, ulam piranha kagolong famili Serrasalminae. Katingal saking kebiasaan wonten ing masarakat ulam menika kagolongaken dumados sekawan jinis, inggih menika : Ulam piranha saking marga Pristobycon, Ulam piranha saking marga Pygopristis, Ulam piranha saking marga Pygocentrus, lan ulam piranha Serrasalmus. Sekawan jinising ulam piranha kasebut ingkang sampun ddipunsarujuki minangka piranha asli amargi kagungan untu khusus ingkang nggambaraken ulam piranha ingkang sejatinipun. Ananging kawontenanipun sekawan jinis ulam piranha menika tasih dados bahasan para ahli. Amargi kira-kira dipunkinten-kinten jinising ulam piranha tasih saged kaperang malih. Miturut panaliten, jinis ulam piranha kinten-kinten mapan wonten ing angka 30 dumugi 60 spesies [2].

Kaunggulaning ulam piranha nalika mangsa daging gampil amargi kagungan waja ingkang unik. Sekawan jinis ulam piranha menika kagungan larikan waja ingkang landhep ing kalih rahangipun. Wajaning ulam piranha menika padet lan runcing, saéngga saged kanggé nusuk lan nggeser mangsa supados saged suwek ing papan kenging waja. Adhedhasar kriteria kasebut ulam piranha menika mlebet golongan predator segara [2].


Piranha jinis Serrasalmus Rhombeus[sunting | sunting sumber]

saking jinis-jinis ulam piranha ingkang wonten, Serrasalmus Rhombeus utawi ingkang langkung kawéntar kanthi nama Black Devil Piranha menika salah satunggaling jinis Piranha ingkang paling ganas ugi paling ageng. Nalika tasih alit ulam menika sampun katon medèni saking wujud lan rupanipun. Ukuran awak dewasa Rhombeus saged dumugi 50 cm dawa kanthi horisontal lan 25 cm dawa kanthi vertikal awakipun [1].

Nalika tasih alit, Rhombeus kagungan warni ingkang radi terang kanthi bintik-bintik ireng lan kagungan warni mata abang. Postus awak ulam menika nalika sampun radi ageng katon keker lan kasar. rahangipun wiyar lan kokoh kanthi waja-waja ingkang ageng lan landhep ingkang ginanipun kanggé ngremukke mangsa kanthi kulit kasar [1].

Cathetan suku[sunting | sunting sumber]

  1. ^ a b c [1], (id) http://www.iftfishing.com (dipun-akses tanggal 15 November 2012).
  2. ^ a b c [2], (id) http://www.anneahira.com (dipun-akses tanggal 15 November 2012).
Sumber artikel punika saking kaca situs web: "http://jv.wikipedia.org/w/index.php?title=Iwak_piranha&oldid=851544"