Sardinella

Saka Wikipédia Jawa, bauwarna mardika basa Jawa
(Kaelih saka Iwak Sardinella)
Ikan Sardinella
Kalamangsa: Middle Eocene to Present
Sardinella aurita
Klasifikasi ngèlmiah
Karajan: Animalia
Filum: Chordata
Klas: Actinopterygii
Ordho: Clupeiformes
Famili: Clupeidae
Subfamili: Incertae sedis
Génus: Sardinella
Valenciennes in Cuvier and Valenciennes, 1847
Species

21, lihat pada teks.

Iwak Sardinella punika nama satunggaling marga iwak ingkang kalebet suku Clupeidae [1][2]. Wonten ugi spésies ingkang wonten ing Indonesia kawentar kanthi nama lemuru lan tembang ingkang kalebet jinis ulam pelagis ingkang alit ugi wigati kanggé perikanan. Amargi rikat anggènipun busuk, ulam jinis punika langkung kathah dipundamel iwak asin, iwak pindhang, utawi dipunkemas wonten ing kalèng dados ulam sardèn.

Morfologi[besut | besut sumber]

Ulam lemuru gadhah waja ing langit-langit lambe kasambung balung rahang ngandhap lan ilat. Sisik-sisikipun lembut lan katumpuk boten ketata, cacahing sisik ing sangajenging sirip punggung 13-15. Sisik eri wonten ing lambung, 18 ing ngajenging sirip weteng, lan 14 ing sawingkinging sirip weteng [1]. Awakipun bulat dawa kanthi pérangan weteng radi bunder lan sisik eri radi tumpul boten menonjol. Warnanipun awak biru radi ijo ing pérangan inggil (punggung]], putih pérak ing pérangan ngandhap. Ing pérangan inggil panutup angsang dumugi pangkal buntut wonten satunggal larik bunderan ireng kanthi gunggung 10-20 buah. Kagungan sirip kanthi warna klawu radi kuning lajeng warna sirip buntut radi ireng [3].

Panyebaran[besut | besut sumber]

Ulam Lemuru mapan wonten ing perairan tropis ingkang wonten ing tlatah Indo - Pasifik. Miturut Whitehead (1985), ulam punika kalebet habitat ingkang wonten ing satunggaling tlatah ingkang wiyar inggih punika sisih wétan Samodra Hindia, ya iku Pukhet, Thailand, Pasisir Kidul ing Jawa Wétan lan Bali, Australia Kulon, lan Samodra Pasifik (saking Pulo Jawa sisih lor dumugi Filipina, Hong Kong, Taiwan pérangan kidul, lan Pulo Jepang). Ing sisih tenggara Pulo Jawa lan Bali, konsèntrasi ulam punika kathahipun ing Selat Bali. Wonten ing vèrsi Inggris ulam punika dipunwastani Bali Sardinella [3]. Kajawi punika ulam lemuru ugi wonten ing sisih kidul Ternate, Selat Sunda, lan Teluk Jakarta. Ulam lemuru ingkang dipuncekel ing tlatah Sumatra Kulon punika asiling saking perairan samodra Hindia [1].

Ulam lemuru kalebet jinising ulam pelagis alit ingkang gampil ketarik déning cahya, saéngga saged makempal wonten ing papan cahya lampu dipunpasang. Caranipun gesang ulam punika kanthi cara damel gerombolan kanthi gunggung ingkang ageng. Ulam lemuru nalika wanci dalu wonten ing lumah sagara madosi panganan lan wonten ing kolom perairan nalika wayah awan [1]. Ulam Lemuru utawi sardinella punika mangan plankton (fitoplankton lan zooplankton) mliginipun kopepoda. Ingkang unik punika tuwuhing dwa ulam punika boten kados cepeting tambahing bobot. Wonten ing ngèlmu perikanan dipunwastani positive allometric. Bobot awak sampun mundhak, nanging dawanipun awak namung nambah sakedhik [3].

Miturut panaliti, ulam punika rakus dhateng fitoplankton lan zooplankton punika damel ulam punika kathah kandhutan omega 3, salah satunggaling lemak tak jenuh ingkang gadhah kathah manfaat kanggé keséhatan[3].

Cathetan suku[besut | besut sumber]

  1. a b c d [1], Ulam Lemuru (dipun-akses tanggal 03 Dhésèmber 2012).
  2. [2] Archived 2015-04-04 at the Wayback Machine., Ulam Lemuru 2(dipun-akses tanggal 03 Dhésèmber 2012).
  3. a b c d [3], (id) http://www.iftfishing.com (dipun-akses tanggal 03 Dhésèmber 2012).