Iwak Salmon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ilustrasi salmon pejantan saking spesiès utami salmon Pasifik nalika musim kawin lan bertelur.

Iwak Salmon menika jinising iwak segara saking famili Salmonidae. Jinis iwak sanès ingkang satunggali famili kaliyan ulam salmon menika ulam trout. Ingkang béda menika migrasi uriping ulam salmon katandingaken kaliyan iwak trout ingkang netep. Ulam salmon menika netep wonten ing Samudra Atlantik lan Samudra Pasifik.

Ulam Salmon (oncorhynchus mykiss) menika kagungan kemampuan renang ingkang cepet. Spesies menika saged tuwuh dumugi 1.220 mm kanthi bobot dumugi 16,3 kg. Ulam menika mirip kaliyan ulam trout sanèsipun kanthi wujuding kepala ingkang radi ageng lan posisi lambé dumugi ing sawingkinging mripat. Ulam salmon menika kagungan warni ingkang macem-macem. Ulam ingkang gesang wonten ing tlaga padatanipun kagungan warni perak kanthi tambahan warni ijo peteng ing bagéyan wingking, wonten ugi ingkang warni biru ing bagéyan wingking. Ananging kathahipun ulam menika mliginipun ingkang gesang wonten ing dhaérah ingkang dangkal lan ing tlaga kagungan warni arupi lingkungannipun [1].

Kanthi umum, ulam salmon menika saking spesiès anadromous yaiku spesies ingkang migrasi kangé kembang biak. Salmon menika lair wonten toya tawar, migrasi dhateng lautan, lajeng balik malih dhateng toya tawar kanggé reproduksi.

Siklus gesang[sunting | sunting sumber]

Ulam salmon, salah satunggaling jinis ulam ingkang kagungan angka gizi ingkang paring manfaat dhateng manungsa. Jinis ulam menika saged gesang wonten ing perairan tawar lan segara, lan kalebet salah satunggal komoditi asiling perikanan ingkang kathah dipun-konsumsi déning masarakat.

Ulam salmon kalebet satunggaling ulam saking jinis kewan andromous, inggih menika ulam ingkang nglampahi imigrasi kanggé berkembang biak [2].

Siklus gesang ulam salmon kawiwitan saking perairan tawar kados lèpèn utawi kali. Wonten ing mriki endog ulam salmon netes (padatanipun wonten ing wulan November). Nalika tahap menika tingkat matining ulam ageng sanget. Saking total endog ingkang dipunbuahi, kirang langkung namung setengahipun ingkang saged netes. Ulam enggal ingkang nembé netes menika kagungan nama Alevin ingkang gesang wonten ing tumpukan krikil ing dhasaring kali lan mangan plankton. Saksampunipun panganan telas, alevin banjur medal saking krikil (wulan Mei utawi Juni). Ing tahap menika ulam salmon dipunwastani Fry. Lajeng fry tuwuh lan berkembang dados Smolt ingkang gerak dhateng muara lèpèn tumuju segara [3].

Taun kapisan gesang wonen ing segara dados tahap kritis ulam saldon ngadepi para predator segara. Predator ingkang mangan ulam salmon kanthi cacah ingkang kathah inggih menika anjing segara. Kejawi menika wonten singa segara, beruang, manuk, ugi manungsa dados ancaman gesanging ulam salmon.

Cathetan suku[sunting | sunting sumber]

  1. ^ [1], (id) http://www.karantina.deptan.go.id (dipun-akses tanggal 02 Desember 2012).
  2. ^ [2], (id) http://www.iftfishing.com (dipun-akses tanggal 02 Desember 2012).
  3. ^ [3], (id) Siklus hidup ikan salmon (dipun-akses tanggal 02 Desember 2012).
Sumber artikel punika saking kaca situs web: "http://jv.wikipedia.org/w/index.php?title=Iwak_Salmon&oldid=861994"