Iwak Cakalang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Iwak Cakalang
Klasifikasi èlmiah
krajan: Animalia
filum: Chordata
kelas: Actinopterygii
ordo: Perciformes
kulawarga: Scombridae
Genus: Katsuwonus
Kishinouye, 1915
Species: K. pelamis
Jeneng binomial
Katsuwonus pelamis
(Linnaeus, 1758)

Ulam cakalang utawi Katsuwonus pelamis menika ulam kanthi ukuran sedeng saking familia Scombridae (tuna) [1]. Ulam cakalang menika satunggaling ulam spesies saking genus Katsuwonus. Cakalang ingkang paling ageng, dawanipun awak ngantos dumugi 1 meter kanthi bobot langkung saking 18 kg. Nama sanes saking ulam cakalang inggih menika cakalan, cakang, kausa, kambojo, karamojo, turingan lan wonten ugi ingkang mastani ulam tongkol. Wonten ing Basa Inggris kawentar kanthi nama skipjack tuna.

Ulam cakalang kalebet jinising ulam perenang cepet lan kagungan sipat managan ingkang rakus. Ulam jinis menika asring damel gerombolan ingkang sesarengan nglampahi ruaya ing sekitar pulo utawi jarak ingkang tebih lan remen ngalawan arus toya. Ulam cakalang saged damel gerombolan ing perairan pelagis kanthi jeronipun dumugi 200 m. Ulam menika pados panganan adhedhasar paningal lan rakus dhateng mangsanipun [2].

Morfologi[sunting | sunting sumber]

Collete ngandharaken bilih ciri morfologi ulam cakalang menika awakipun awujud fusiform, ndawa, lan radi bunder, cacahing talis insang 53-63 ing helai kapisan[1].

Ulam cakalang kagungan kalih sirip punggung ingkang kapisah. Ing sirip punggung kapisan wonten 14-16 jari-jaris atos, jari-jari lemah ing sirip punggung kaping pindho kadherekan 7-9 finlet. Sirip dada cendhak, wonten kalih flops ing selaning sirip weteng. Sirip anal kadherekan 7-8 finlet. Awakipun boten kagungan sisik kejawi wonten ing barut awak utawi corselets lan lateral line wonten titik-titik alit. Bagéyan punggung awarna biru radi ireng, ing sisih ngandhap lan weteng radi perak kanthi 4-6 garis-garis warni ireng dawa ing sisihing awak [1].

Panyebaran[sunting | sunting sumber]

Suhu ingkang ideal kanggé ulam cakalang inggih menika saking 26 - 32 derajat Celcius. Lajeng suhu ingkang cocok kanggé pemijahan menika 28 - 29 derajat Celcius kanthi salinitas 33 persen [2].

Ulam cakalang padatanipun wonten ing segara tropis lan subtropis ing Samodra Hindia, Samodra Pasifik, lan Samodra Atlantik. Cakalang boten dipunpanggihaken wonten ing lor Laut Tengah. Gesang kanthi damel gerombolan kanthi gunggung ingkang ageng (dumugi 50 ewu ekor ulam). Panganan ulam cakalang menika arupi crustacea, cephalopoda, lan moluska. Cakalang kalebet mangsa kanggé ulam-ulam ageng sanèsipun ing zona pelagik menika, mliginipun iwak hiu [1].

Kaginaan[sunting | sunting sumber]

Ulam cakalang menika ulam kanthi nilai komersial inggil. Saged dipunsadé kanthi wujud ingkang tasih seger, lan saged ugi dipun-prosès dados ulam kalèng, ulam garing, lan ulam asap. Wonten ing Basa Jepang, cakalang dipunwastani katsuo. Ulam cakalang dipun-prosès kanggé damel katsuobushi menika kalebet bahan utama dashi (kaldu iwak) kanggé masakan Jepang. Katsuobushi menika panganan ingkang dipunawètaken kanthi bahan bakuning ulam cakalang. Katsuobushi dipunserut kados serutan kayu lajeng dipunpendhet kaldunipun. Ulam cakalang ing Manado dipundamel awet kanthi cara pengasapan, ingkang dipunwastani cakalang fufu (cakalang asap)[1].

Ulam cakalang menika ulam ingkang sampun dipun-konsumsi tiyang Jepang awit jaman kuno. Ing situs penggalian kados ing Hachinohe (Prefektur Aomori) dipunpanggihaken tilas cakalang dipundhahar déning tiyang jaman Jomon[1].

Cathetan suku[sunting | sunting sumber]

  1. ^ a b c d e f [1], (id) http://www.iftfishing.com (dipun-akses tanggal 27 November 2012).
  2. ^ a b [2], (id) Ikan cakalang (dipun-akses tanggal 03 Desember 2012).
Sumber artikel punika saking kaca situs web: "http://jv.wikipedia.org/w/index.php?title=Iwak_Cakalang&oldid=835129"