Iwak Baung

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Iwak Baung
Temporal range: Late Miocene–Recent
Hemibagrus planiceps
Klasifikasi èlmiah
krajan: Animalia
filum: Chordata
kelas: Actinopterygii
ordo: Siluriformes
kulawarga: Bagridae
Genus: Hemibagrus
Bleeker, 1862
Jinis spésiès
Bagrus nemurus
Valenciennes, 1840
Sinonim
  • Macropterobagrus
    Nichols, 1925
  • Brachymystus
    Fowler, 1937

Baung menika nama golongan iwak ingkang kalebet dhateng marga Hemibagrus, suku Bagridae [1]. Ulam menika nyébar wonten ing India, Cina kidul lan Asia Tenggara. Namanipun ulam baung saben dhaérah menika bènten-bènten kados iwak eri, baong, baon (Mly.), bawon (Btw.), senggal utawi singgah (Sd.), tagih utawi tageh (Jw.), niken, siken, tiken, tiken bato (Kalteng), lan sanesipun. Ulam baung tasih satunggal kerabat kaliyan iwak lélé, nami marganipun Hemibagrus ingkang saking Basa latin Hemi ateges setengah lan bagrus ingkang dipunpendhet saking pelafalan Muhazab ''bagre'' awit pituturan Yunani pagros (nama jinising ulam laut) [2].

Morfologi[sunting | sunting sumber]

Wujudipun ulam baung menika dawa, lunyu, boten kagungan sisik, kepala ageng lan depres kanthi tigang pasang sungut ing kiwa tengen tutuk lan sepasang malih ing lubang pernafasan. Kejawi menika dawanipun sungut rahang nginggil dumugi sirip dubur. Wonten ing sirip dada lan punggung kagungan eri patil. Ulam baung kagungan sirip lemak(adipose fin) ing sakwingkingipun sirip punggung [1].

Panyebaran[sunting | sunting sumber]

Distribusi ekologis ulam baung menika perairan tawat, kali utawi lèpèn, tlaga ugi wonten ing muara lèpèn lan padatanipun kapanggihaken wonten ing dhaérah banjir. Ulam baung ugi saged gesang wonten ing kolam kanthi dhasaripun arupi wedhi lan watu. Ing Jawa Kulon, ulam baung kathah kapanggihaken wonten ing Lepen Cidurian lan Jasinga Bogor amargi toyanipun cethèk ( 45 meter ) kanthi kecerahan 100 % [2].

Ulam menika remel damel gerombolan wonten ing dhasaring perairan lan damel sarang arupi bolongan ingkang lunak kanthi ilining toya ingkang kalem. Ulam baung remen ugi kaliyan papan-papan ingkang boten katingal lan boten aktif medal saking sarang sadèrèngipun dinten peteng. Nalika sampun dalu, ulam menika pados mangsa ananging namung wonten ing sekitar sarang. Distribusi geografis ulam baung menika wonten perairan Indonesia, Hindia Timur, Indocina, lan Thailand[2].

Jinis kelamin[sunting | sunting sumber]

Jinis kelamin ulam baung menika saged katingal kanthi cara mbelah weteng lan ningali gonad lan ciri-ciri morfologis. Gonad ulam baung betina lan ulam baung ingkang jantan mapan wonten ing rogga weteng bagéyan dorsal intestin. Gonad ulam ulam saged katingal menawi ukuran ulam menika kirang langkung 20 cm. Awit saking menika ulam baung ingkang langkung alit saking ukuran kasebut saged kabédakaken kanthi ningali lubanging genital.

Penyakit[sunting | sunting sumber]

Penyakit ingkang asring nyerang ulam baung menika ichthyopthirius multifiliis utawi langkung kawentar kanthi nama white spot (bintik putih) [1].

Panganan[sunting | sunting sumber]

Kebiasaan mangan ulam baung menika asifat noktural, inggih menika aktivitas kegiatan gesangipun langkung kathah wonten ing wanci dalu, Kejawi menika, ulam baung remen ndelik wonten ing liang-liang pinggirin lèpèn papan gesangipun. WOnten ing alam, ulam baung kalebet kéwan pemakan menapa kemawon utawi omnivora. Ananging wonten ugi ingkang nglebetaken ulam menika dhateng golongan kéwan ingkang mangan daging (karnivora) amargi ulam menika langkung kathah mangan kéwan-kéwan alit kadosta ulam-ulam alit, urang-urang alit, remis, insekta, moluska, lan suket.

Cathetan suku[sunting | sunting sumber]

  1. ^ a b c [1], Ikan baung (dipun-akses tanggal 07 Desember 2012).
  2. ^ a b c [2], (id) http://www.iftfishing.com (dipun-akses tanggal 16 November 2012).
Sumber artikel punika saking kaca situs web: "http://jv.wikipedia.org/w/index.php?title=Iwak_Baung&oldid=835271"