Itsukushima Shrine

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Itsukushima Shinto Shrine*
Situs Warisan Donya UNESCO

The torii of Itsukushima Shrine, the site's most recognizable landmark, appears to float in the water.
Negara Japan
Tipe Cultural
Kriteria i, ii, iv, vi
Referensi 776
Wilayah Asia-Pacific
Sajarah prasasti
Prasasti resmi 1996  (Sèsi 20th)
* Jeneng resmi jroning Daftar Warisan Donya.
Miturut klasifikasi resmi UNESCO.

Kuil Itsukushima (厳島神社 Itsukushima jinja?) inggih punika kuil Shinto ing Pulo Itsukushima (Pulo Miyajima), Hatsukaichi, Prefektur Hiroshima, Jepang. Dipundirikaken langkung saking 1.400 taun kapengker, kuil Itsukushima minangka salah satunggaling situs peninggalan budaya Situs Warisan Donya UNESCO ingkangn kadhaptar wiwit taun1996.[1]

Saperangan bangunan ingkang dumunung ing kompleks kuil Itsukushima lan barang-barang pusaka ingkang gadhahanipun kuil Itsukushima kalebet ugi sutra Heike Nōkyō dipundhaptar minangka Pusaka Nasional Jepang. Sutra Heike Nōkyō kagungan kuil Itsukushima minangka bebungan saking klan Taira nalika taun 1164.[1]


Nalika jaman rumiyin, Pulo Itsukushima inggih punika pulo suci ingkang boten angsal dipunlebeti dening sembarang tiyang. Amargi punika, bangunan kuil dipundirikaken ing Teluk Itsukushima kanthi mirp sawijining bangunan dermaga.

Bangunan torii awarni oranye murub ingkang katingal kados ngambang ing tengah laut minangka cirri khas kuil Itsukushima. Kuil punika kalebet salah satunggaling tujuan pariwisata ingkang paling misuwur ing Jepang. Torii katingal ngambang ing tengah laut nalika air pasang, ananging saged dipuncape kathi mlampah nalika air surut.[2]

Nalika tirta laut nembe surut, pante ing sakitar bangunan torii minangka papan ingkang misuwur kangge mendheti kerang ingkang saged dipuntedhi. Nalika wayah dalu, bangunan kuil lan torii kados kasiram cahya saking lampu-lampu sorot ingkang dipunpasang ing sakitar pante.[2]


Pemandangan bangunan torii kanthi latar belakang Gunung Misen minangka salah satunggal saking Tigang Pemandangan paling endah ing Jepang kaliyan jalur pasir pante ing Amanohashidate lan pemandangan Teluk Matsushima.[2]


Wonten ing kompleks kuil ugi wonten panggung pentas noh.

Sajarah[sunting | sunting sumber]

Kuil kapisanan dipunbangun nalika abad ke-6, dene bangunan kuil kados ingkang katingal sakmenika sampun wonten wiwit taun 1168. Kuil ingkang angka pisan dipunbangun kathi dana pembangunan saking pemimpin militer Jepang ingkang nama Taira no Kiyomori. Kuil Itsukushima lajeng dipundadosaken papan pamujan dening klan Heike.[3]

Kuil Itsukushima lajeng asring ngalami renovasi wiwit pungkasan jaman Heian, dene pemugaran kanthi ageng dipuntindakaken dening Mōri Motonari sabibaripun ngasoraken Sue Harukata wonten ing Paprangan Itsukushima nalika taun 1555.

Nalika jaman rumiyin, Pulo Itsukushima minangka pulo ingkang dipunlarang tumrap tiyang biasa. Kuil dipunbangun ing nginggil tanah pante ing teluk pulo Itsukushima supados tiyang biasa boten angsal mlampah mlebet ing pulo punika. Miturut cathetan sajarah, tiyang bbiasa ingkang kepingin dedongan kedah rawuh ing pulo kanthi perahu lan mlebet kuil saking gerbang arupi bangunan Torii.

Bangunan Torii ing kuil Itsukushima sampun wonten wiwit taun 1168, ananging Torii ingkang wonten sakmenika minangka bangunan taun 1875. Torii dipunsangga sekawan tiang penopang supados jejeg ing nginggil pasir pante. Sedaya konstruksi Torii wonten ing nginggil lemah, tanpa fondasi utawi bageyan ingkang dipunbenemaken ing lemah. Torii saged jejeg kanthi ngandhelaken bobot bangunan ingkang inggilipun 16 meter.[2]

Kuil Itsukushima dipunanggep prelu dipunjaga kemurnianipun saengga kuil boten nampi pencathetan kematian lan palakrama dumugi taun 1878. Pemakaman minangka tindaken ingkang dipunlarang wonten ing pulo punika.

Cathetan Suku[sunting | sunting sumber]

  1. ^ a b [1]
  2. ^ a b c d [2]
  3. ^ [3]
Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Itsukushima_Shrine&oldid=835977"