Interaksi Ékosistem
Ing ékosistem mesthi ana interaksi utawa gegayutan silih genti antarané komponèn siji lan liyané.[1] Interaksi ing ékosistem iku ana kang sifaté nguntungaké, ngrugèkaké utawané ora ana pangaruhé babar pisan.[1] Jinis-jinis interaksi ing ékosistem iku antarané:[1]
- Simbiosis Mutualisme yaiku interaksi antara organisme siji lan liyané lan interaksi iku nguntungaké kabèhan.[2] Tuladha: Kembang lan kupu, kupu njupuk madu saka kembang, serbuk sari kegawa sikilé kupu kang ménclok ing kembang lan ngenani putik dadi bisa ana pambuahan.[2]
- Simbiosis Parasitisme yaiku interaksi antara organisme siji lan liyané kang ngerugèkaké.[2] Tuladha: tuwuhan lan tuwuhan inangé[2]
- Simbiosis Koménsalisme yaiku interaksi organisme kang sing siji diuntungaké lan sing sijiné ora dirugèkaké.[2] Tuladha: wit lan kembang anggrèk kang numpang ing wit iku.[2]
- Kompetisi yaiku jinis interaksi organisme siji lan liyané kang saingan kanggo bisa urip.[2] Tuladha: Pari lan gulma.[2]
- Nétralisme yaiku interaksi kang ora ana pangaruhé siji lan liyané.[2] Tuladha: wedhus lan kucing.[2]
- Prédhatorisme yaiku interaksi siji lan liyané kang sing siji mangan sijiné. Tuladha: ula lan bangkong.[2]