Indra Bekti

Saka Wikipédia Jawa, bauwarna mardika basa Jawa
Indra Bekti
LairBekti Indra Tomo
Jeneng liyaIndra Bekti
Pakaryanartis, pambyawara
Taun aktif1999 - saiki
Dhuwur167 cm (5 ft 6 in)
Wong tuwaAruji Priyanto (bapak) dan Syaprida (ibu)

Indra Bekti (lair ing Jakarta, 28 Dhésèmber 1977; umur 46 taun) kang jeneng asline Bekti Indra Tomo ya iku salah sijiné modhél, presenter, lan juru main sinétron.[1] Saliyané iku Indra uga dadi penyanyi lan presenter tivi ing Indonésia.[1] Nalika tanggal 28 Dhésèmber 2005 ing dina ulang tauné kang kaping 28, Indra nggawé buku kang temané Indra Bekti 28 Ways to Stardom.[1] Buku iki isiné ngenani 28 wewadi lan 28 kiat-kiat sukses kanggo nggayuh karir lan pengalamané ing jagading hiburan Indonésia.[1]

Biografi[besut | besut sumber]

Nalika isih cilik, Indra Bekti urip ing Jakarta. Indra iku anaké pasangan Aruji Priyanto (bapak) lan Alm. Syaprida (ibu).[1] Indra dadi anak nomer loro saka sadulur kang cacahé papat.[1] Nalika isih cilik, Indra diajari kanggo disiplin lan ora manja ing sekolah lan ing omah.[1] Nalika isih cilik Indra Bekti dolanan nganggo dolanan tradhisonal kaya ta delikan, kucing-kucingan, lan dolanan banyu kang dadi dolanan kang paling disenengi Indra bekti.[1]

Wiwitan karir[besut | besut sumber]

Nalika ing SMP, Indra nyanyi kanggo anime kang judhulé Candy-Candy. Nalika iku animé iki banget populer ing jamané.[1] Sanajan mung ngisi swara, Indra Bekti wis seneng banget.[1] Nalika iku, Indra bekti dibayar 30 éwu rupiah saben tokoh.[1] Indra seneng banget awit dhèwèké wis bisa ngasilaké dhuwit dhéwé ing umuré kang isih enom. Indra terus sinau lan sawisé SMA, Indra banjur njajal siyaran radio nganti akhiré lumebu tivi.[1] Nalika lumebu tivi kang sepisanan Indra Bekti dadi presenter ing acara Tralala Trilili bareng karo Agnes Monica.[1] Sawisé iku akèh tawaran kanggo Indra supaya dadi penyiar radio swasta.[1] Sawisé tamat SMA, Indra kang dhuwuré 167 cm iki sinau kanthi kuliyah ing jurusan public speaking D1 ing London School.[2]

Cathetan suku[besut | besut sumber]

  1. a b c d e f g h i j k l m n selebriti.kapanlagi.com(dipunundhuh tanggal 12 Juli 2011)
  2. berita tentangnya di Republika.co.id(dipunundhuh tanggal 12 Juli 2011)