Indisch Monument (Den Haag)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Indisch Monument ing Den Haag
Karangan kembang KBRI Den Haag ing 15-8-2008

Indisch Monument utawa tegesé Monumèn Hindia ing kutha Den Haag iku sawijining monumèn sing mèngeti para kurban perang warganegara Walanda ing Hindia-Walanda utawa Indonésia antara taun 1941-1945 sajroning Perang Donya II.

Monumèn iki didésain déning Jaroslawa Dankowa, sawijining seniwati asal Bulgaria. Monumèn iki diresmèkaké déning Ratu Beatrix ing tanggal 15 Agustus 1988 pas tanggap warsa kaping 43 pungkasaning Perang Donya II.

Nalika Perdana Menteri Jepang Toshiki Kaifu ndèkèki krans kembang ing tanggal 19 Juli 1991, krans iku sawisé dibuwang ing banyu déning sawijining démonstran Stichting Japanse Ereschulden ("Yayasan Utang Kamulyan Jepang"). Sawisé iku Perdana Menteri Ruud Lubbers nyuwun ngapura marang Kaifu. Perkara iki nggawé wong-wong Indo lan Walanda sing tau ngalami Jaman Jepang sangsaya nesu.