Inari (Kami)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Inari (稲荷?) inggih menika salah satunggaling Kami wonten ing kapitadosan Jepang. Nama pakurmatan kagem Inari no kami, Oinari-sama, Oinari-san, utawi Inari Daimyōjin (稲荷大明神?). Wonten ing Basa Jepang, Ine (?) ateges "tanduran pantun". Kuil ingkang mulyakaken Inari dipunwastani kuil Inari (稲荷神社 Inari jinja?). Pusat saking manéka kuil ingkang wonten ing Jepang inggih menika Kuil Fushimi Inari ing distrik Fushimi, Kyoto [1].

Wonten sistem kapitadosan shinbutsu shūgō, Inari dipunanggep minangka wujud saking Dakini. Kejawi menika, Inari dipunpitadosi minangka Ukanomitama (dewa palawija), Toyoukebime, dan Ukemochi (dewa dedhaharan), Ōgetsuhime, lan sanèsipun. Inari minangka dewa pertanian kinten-kinten asalipun saking tembung asiling panèn tuwuhan pantun (tanaman padi) (ine) minangka "barang bawaan" (nari).

Kuil Inari[sunting | sunting sumber]

Kuil Fushimi Inari ing Kyoto

Wonten ing Jepang kirang langkung wonten 20 èwu dumugi 30 èwu kuil Inari. Di Jepang diperkirakan terdapat sekitar 20 ribu hingga 30 ribu kuil Inari. Kisah babagan Inari menika kaserat wonten ing literatur klasik Nihon Shoki. Nalika tasih alit lan dereng minggah tahta (539 utawi 531) minangkaKaisar Kimmei, piyambakipun nate ngimpi bilih dipunparingi pirsa "bilih nedahaken tiyang kanthi nama Hata no Ōtsuchi, menawi sampun dewasa badhé pinter anggènipun mrentah negeri". Rewang ingkang dipunpitadosi kautus supados madosi tiyang kasebut. Kuil kagem Hata no Iroku (Hata no Irogu) jumeneng nalika wulan 2 taun 711.

Sajarah[sunting | sunting sumber]

Kuil Fushimi Inari ing Kyoto rumiyin menika kuil kulawarga kagunganipun klan Hata. Kuil menika ugi naté dipunkelola dening kulawarga Ōnishi. Wonten ing cathetan sajarah Provinsi Yamashiro kanthi irah-irahan Yamashiro no Kuni Fudoki kacariyosaken babagan moyang klan Hata anama Hata no Irogu. Minangka bangsawan ingkang sugih, piyambakipun nglampahi tumindak ingkang dipunlarang inggih menika nyia-nyia dedhaharan. Mochi dados sasaran panah nalika gladhen manag. Ananging mochi ingkang dipunpanah menika dados peksi kanthi warni putih lajeg peksi kasebut mabur dhateng pucuk Gunung Mitsugamine. Wonten ing papan peksi kasebut mencok, tuwuh tanduran pantun kanthi subur..[2] Papan kasebut anama Inenariohiki (伊弥奈利生ひき?) (Inanari). Hata no Irogu rumaos nyesel. Wit ingkang tuwuh ing mriku dipunbeta kondur supados dipuntandur malih. Satunggaling kuil kabangun ing papan wit kasebut tuwuh. Salajengipun, Inanari (稲生り?) dipunserat dados Inari (稲荷?) dumugi samenika.

Nalika zaman Heian, klan Hata kanthi basis ing Kyoto gadhah kuwaos sanget ing bidang politik saéngga rakyat ingkang dados pendhèrèk kuil Inari menika langkung kathah. Nalika kuil kanthi nama Tō-ji dipunbangun ing Kyoto, klan Hata nyumbang kajeng bahan bangunan saking Gunung Inari. Bibar menika, Inari dipunwastani minangka dewa palindung ing Tō-ji. Kitab Nijunisha-hon-en nyarisoaken bilih Kūkai kepanggih lan nyuwun supados Inari dados dewa palindung ingTō-ji.

Kapitadosan dhumateng Inari sansaya kondhang ing masarakat sasampunipun Inari dipunwastani minangka manifestasi Dakini ing Tōji. Dakini dipunpitadosi minangka Yaksa ingkang mangan Raksasa, saéngga arwah rubah (霊孤, reiko) utawi kitsune dipunpitadosi dados Dakini. Salah satunggaling ciri khas arwah rubah inggih menika kemampuan tatarigami (damel tiyang kesurupan). Nalika zaman Meiji, kapitadosan dhateng Inari pikantuk larangan shinbutsu shūgo ingkang misahaken dewa-dewa wonten ing agami Buddha lan Shinto. Saperangan kuil tasih tetep dados kuil Inari, déné sanèsipun dados kuil Buddha ingkang muja Dakini.

Cathetan suku[sunting | sunting sumber]

  1. ^ (id) Kuil-uil di Jepang, (dipunakses tanggal 7 Februari 2013).
  2. ^ Nogami, Takahiro. "Inari Shinkō". Encyclopedia of Shinto. Establishment of a National Learning Institute for the Dissemination of Research on Shinto and Japanese Culture. http://eos.kokugakuin.ac.jp/modules/xwords/entry.php?entryID=783. Retrieved 16 January 2008.

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Inari_(Kami)&oldid=836528"