Ikebana

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
sekar ingkang dipunrangke kanthi cara Ikebana

Ikébana (生花?) inggih menika seni anggènipun merangkai sekar ingkang ngginakaken manéka jinis sekar, suket-suketan, lan taneman kanthi ancas medalaken kaéndahan [1] [2]. Ikebana menika asalipun saking Jepang ananging sampun wiyar ing donya. Wonten ing Basa Jepang, Ikebana ugi dipunmangertosi kanthi istilah kadō (華道? ka, sekar; do, lelampahanipun gesang) ingkang langkung mligi ing aspek seni supados dumugi kasampurnan anggenipun ngrangke sekar. Wonten ing Ikebana wonten maneka jinis aliran ingkang saben aliran menika kagungan caranipun piyambak kanggé ngrangé manéka jinis sekar. Aliran tartamtu ngedahaken tiyang supados mirsani rangkean sekar saking bagéyan ngajeng, déné aliran sanèsipun menika ngedahaken tiyang mirsani rangkéan sekar ingkang wujud tiga dimensi minangka barang kalih dimensi kemawon. Padatanipun, sekar ingkang dipunrangké mawi teknik perangkaian saking kulon (Barat) (flower arrangement) katingal sami éndahipun saking samubarang sudut pandang kanthi tigang dimensi lan boten prelu dipunpirsani saking ngajeng. Benten kalihan seni ngrangké sekar saking Kulon menika asipat dekoratif, Ikebana damel harmoni awujud linier, ritme lan warna. Ikebana bonten nginggilaken kaéndahanipun sekar ananging wonten ing aspet anggènipun nata sekar miturut garis linier. Bentuk-bentuk wonten ing Ikebana adhedhasar tigang titij ingkang dados sesulihipun langit, bumi, lan manungsa.

Sajarah seni ngrangké sekar[sunting | sunting sumber]

Miturut literatur klasik kados Makura no sōshi ingkang nyariosaken babagan adat istiadat Jepang, tradisi remen kalihan sekar kanthi cara nugel pang saking sekar ingkang sampun kawiwitan saking zaman Heian. Mulanipun, sekar dipunparingaken wonten ing wadah ingkang sampun wonten sadèrèngipun lajeng nembé dipundamel wadah khusus kanggé vas sekar. Ikebana kanthi wujud ingkang kados samenika nembé kawiwitan déning para biksu ing kuil Chōhōji Kyoto nalika tengahan zaman Muromachi. Para biksu kuil Chōhōji kanthi turun temurun manggon wonten ing kamar () ing pinggiring kolam (ike), saéngga aliran énggal Ikebana ingkang dipunwiwiti menika dipunsebat Ikenobō. Nalika wonten ing tengahan zaman Edo, maneka kepala aliran (Iemoto) lan guru ageng kepala (Sōke) nyipta seni ngrangke sekar kanthi gaya Tachibana utawi Rikka ingkang dados mapan wonten ing kala menika. Wonten ing tengahan zaman Edo dumugi pungkasan zaman Edo, Ikebana ingkang rumiyinipun namung saged dipunnikmati déning kalangan bangsawan utawi kaum samurai sansaya dangu wiwit dipunremeni déning rakyat alit. Kala menika Ikebana gaya Shōka (seika) dados kondhang wonten ing kalangan rakyat. Aliran Mishōryū, aliran Koryū, aliran Enshūryū lan aliran Senkeiryū nglairaken kathah guru ageng lan ahli Ikebana ingkang gadhah tèknik tingkat inggil ingkang lajeng misah lan damel aliran sanèsipun. Ikebana wiwit dipuntepangaken dhateng Eropa nalika pungkasan zaman Edo dumugi wiwitan éra Meiji nalika karemenen tiyang Eropa dhateng kabudayan Jepang nembe inggil. Ikebana dipunanggep paring pengaruh dhateng seni ngrangké sekar Eropa ingkang nyonto Ikebana wonten ing line arrangement. Saking zaman Edo lair kathah aliran ingkang kalebet pecahan saking aliran Ikenobō. Ing wulan Maret 2005 kecathet wonten 392 aliran Ikebana ingkang mlebet wonten ing dhaptar Asosiasi Seni Ikebana Jepang.

Gaya Rangkaian dalam Ikebana[sunting | sunting sumber]

Wonten 3 gaya ing Ikebana, inggih menika : rikka, shoka lan jiyuka [2].

Aliran ingkang kondhang[sunting | sunting sumber]

Organisasi[sunting | sunting sumber]

Aliran[sunting | sunting sumber]

Tokoh Ikebana[sunting | sunting sumber]

Cathetan suku[sunting | sunting sumber]

  1. ^ (id) Ikebana, (dipunakses tanggal 28 Februari 2013)
  2. ^ a b (id) Ikebana Seni Kuno Dan Selalu Indah, (dipunakses tanggal 28 Februari 2013)

Pranala luar[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Ikebana&oldid=837040"