Ihram

Saka Wikipédia Jawa, bauwarna mardika basa Jawa

Ihram yakuwi salah siji syarat nalika nindakaké ngibadah umrah utawa ngibadah kaji diwiwiti saka miqat. Sajeroning ngayahi ihram wong lanang nganggo sandhangan rong lembar kain tanpa jaitan, siji kango sarungan lan sijiné minangka seléndhang. Sandhangan ihram iki disunnahaké awarna putih, ora kena nganggo clana, klambi, topi lan ora kena nutup kemiri (mata kaki). Kanggoné wanita, olèh nganggo sandhangan biyasa kang nutupi sakabèhing awak, lan disunnahaké nganggo sarwa putih, nanging ora kena nutupi rai lan tapak tangan (ora kena nganggo sarung tangan).

Sunat ihram[besut | besut sumber]

  1. Adus ihram
    1. Motong kuku, nyukur brengos lan wulu liyané
    2. Nganggo wangèn-wangèn
    3. Salat sunat rong rokaat lan diayahi dhéwé-dhéwé (ora bebarengan).

Larangan nalika ihram[besut | besut sumber]

  1. Kanggo wong lanang, ora kena:
    1. sandhangan biyasa
    2. nganggo sepatu kang nutupi kemiri
    3. Nutup sirah kang nèmpèl, kaya déné nganggo topi, sorban lsp.
  1. Tumrap wanita, ora kena:
    1. Nganggo kaos tangan
    2. Nutup rai (nganggo cadar)
  1. Tumrap priya lan wanita ora kena:
    1. nganggo wangèn-wangèn
    2. motong kuku
    3. nyukur rambut
    4. ajag utawa matèni kéwan
    5. nikah utawa nikahaké
    6. cecumbon
    7. saresmi
    8. wicara kasar, tukaran, wicara kotor

Uga delengen[besut | besut sumber]

Pranala njaba[besut | besut sumber]