Idriss Déby

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Idriss Déby
Idriss Déby Itno

Mangsa jabatan
2 Desember 1990 – Sakmenika
Perdhana Mentri Jean Alingué Bawoyeu
Joseph Yodoyman
Fidèle Moungar
Delwa Kassire Koumakoye
Koibla Djimasta
Nassour Guelendouksia Ouaido
Nagoum Yamassoum
Haroun Kabadi
Moussa Faki
Pascal Yoadimnadji
Adoum Younousmi
Delwa Kassiré Koumakoye
Youssouf Saleh Abbas
Pejabat sadurungé Hissène Habré
Pengganti Sedang Menjabat

Lair 1952
Fada, Bourkou-Ennedi-Tibesti region, Chad
Kabangsan Chad
Partai pulitik MPS
Pasangan Hinda Déby
Agama Muslim

Letjen Idriss Déby (miyos wonten ing Fada taun 1952) inggih punika Presiden Chad lan pimpinan Gerakan Penyelamatan Patriotik. Déby asalsaking kelompok etnis Zaghawa, mliginipun saking klan Bidyate. Piyambakipun nambahaken "Itno" wontenh ing nama kulawarganipun rikala Januari 2006.

Biografi[sunting | sunting sumber]

Déby minangka putra saking penggembala. Sasampuning namataken sekolahipun, Déby nglajengaken dhateng Sekolah Perwira wonten ing N'Djamena. Saking mrika piyambakipun dipunkirim dhateng Perancis, saperlu ndhèrèk gladhèn,lajeng wangsul malih wonten negaranipun taun 1976 kanthi ijazah pilot profesional. Dumugi taun 1979, piyambakipun tetep setya dhateng militer lan Presiden Félix Malloum. Ananging nalika taun punika pamarentah pusat asor, Déby masrahaken nasibipun dhateng Hissène Habré, salah satunggaling jawara utama Chad.

Setunggal taun sasampuning Habré dados Presiden taun 1982, minangka ganjaran saking kasetyanipun, Déby dipunangkat minangka panglima tertinggi angkatan dharat. Piyambakipun dados nonjol nalika taun 1984 kasil ngasoraken kekiyatan pro Libya wonten ing Chad wétan.

Wonten ing taun 1985 Habré nyingkiraken piyambakipun saking jabatanlan ngirimDéby dhateng Paris saperlu sinau wonten ing Ecole de Guerre. Nalika wangsul,piyambakipun dipunangklat minangka penasihat militer utama kepresidenan. Taun 1987 piyambakipun ngadhepi pasukan-pasukan Libya wonten ing lapangan, kanthi migunakaken maneka taktik ingkang nyebabaken kakisruhan saha asor ingkang ageng ing pihak mungsuh.

Taun 1989 kadadosan crah antawisipun Habré lan Déby babagan samsaya minggahipun kakuwasan Pasukan Pengawal Presiden. Habré nuduh Déby nyamektakaken kudeta. Bab punika nyebabaken Déby mlajar dhateng Libya lajeng dhateng Sudan lan wonten ing mrika mbentuk sawijining Gerakan Penyelamatan Patriotik, sawijining kelompok pemberontak ingkang dipundukung déning Libya lan Sudan, lan wiwit nindakaken operasi nglawan Habré rikala Oktober 1989. Piyambakipun nyearang wonten ing tanggal 10 November 1990, lan tanggal 2 Desember pasukan-pasukan Déby mlebet ing ibu kota, N'Djaména tanpa ngadhepi perlawanan.


Déby sampun ngadhepi pergolakan internal lan ketegangan kaliyan negara tetangga Sudan wiwit awal 2006. Sawijining rencana kudeta ingkang kagayut penembakan jatuh pesawat Déby, kaungkap ing wulan Maret. Ing sisih wetan negara kadadosan paprangan kaliyan para pemberontak, ingkang ndesak dhateng kilen nuju ibu kota, lan sawetawis dumugi ing jarak udakawis 160 km saking N'Djaména [1]

Wonten ing pertengahan April, kadadosan Paprangan ing N'Djaména, ewadene boten dangu, paprangan saged lerem kanthi pasukan-pasukan pemerintah taksih tetp nguwaosi ibu kota.[2] Déby lajeng mutusaken hubungan kaliyan Sudan. Piyambakipun nuduh negara punika ndukung kaum pemberontak, lan ngendika bilih pemilu Mei taksih bakal kalampahaken.[3]

Cathetan Suku[sunting | sunting sumber]


Sing mengku  sadurungé:
Hissène Habré
Presiden Chad
2 Desember 1990
Diganti déning:
Masih Menjabat



Sumber artikel punika saking kaca situs web: "http://jv.wikipedia.org/w/index.php?title=Idriss_Déby&oldid=836876"