IMF

Saka Wikipédia Jawa, bauwarna mardika basa Jawa
Markas Dana Monetèr Internasional

Dana Monetèr Internasional utawa International Monetary Fund (IMF) iku organisasi internasional kang duwé tanggel waler ngatur sistem finansial global lan nyawisaké silihan marang nagara anggotané kanggo mbiyantu masalah-masalah kaimbangan neraca kauangan saben nagara. Salah siji misiné ya iku mbiyantu nagara-nagara kang ngalami kangèlan ékonomi kang serius, lan minangka opahé, nagara mau diwajibaké nglakoni kawicaksanan-kawicaksanan tinentu, umpamané privatisasi badan usaha darbèké nagara.

Negara-nagara anggota PBB kang ora dadi anggota IMF ya iku Koréa Lor, Kuba, Liechtenstein, Andorra, Monako, Tuvalu lan Nauru.

Latar Wingking[besut | besut sumber]

Lembaga iki kawiwitan nalika PBB nyeponsori Konferensi Kauangan lan Monetèr ing Bretton Woods, New Hampshire, Amérikah Sarékat tanggal 22 Juli, 1944. Artikel ngenani Prajanjian IMF lumaku wiwit 27 Dhésèmber 1945, lan organisasi IMF dumadi ing wulan Mèi 1946, minangka péranganing rencana rékonstruksi pasca Perang Donya II lan miwiti operasi finansial ing tanggal 1 Maret 1947.

Lembaga iki, bebarengan Bank kanggo Penyelesaian Internasional lan Bank Donya, asring uga sinebut institusi Bretton Woods. Katelu institusi iki nemtokaké kawicaksanan monetèr kang diiloni déning mèh kabèh nagara-nagara kang duwé ékonomi pasar. Sawijining nagara kang péngin silihan saka IMF, kaistiméwaan BIS sarta silihan pambangunan Bank Donya, kudu nyarujuki syarat-syarat kang ditemtokaké déning katelu institusi iki.

Pimpinan IMF[besut | besut sumber]

Pratélan managing director IMF:

Mèi 1946-6 Mèi 1951Camille GuttBèlgi
Agustus 1951-Oktober 1956Ivar RoothSwèdhen
Dhésèmber 1956-5 Mèi 1963Per JacobssonSwèdhen
1 September 1963-1 September 1973Pierre-Paul SchweitzerPrancis
1 September 1973-17 Juni 1978Johannes WitteveenWalanda
17 Juni 1978-16 Januari 1987Jacques de LarosièrePrancis
16 Januari 1987-14 Fèbruari 2000Michel CamdessusPrancis
1 Mèi 2000-4 Maret 2004Horst KöhlerJerman
4 Maret 2004-4 Mèi 2004Anne KruegerAmérikah Sarékat-sauntara-
4 Mèi 2004-saikiRodrigo RatoSpanyol

Kritik[besut | besut sumber]

Peran katelu institusi Bretton Woods wis dadi kontrovèrsi kanggo akèh pihak wiwit pèriodhe Perang Dingin. Para kritikus nganggep yèn para panggawé kawicaksanan ing IMF kanthi sengaja njurung diktator militèr kapitalis kang nduwé sikap kekancan karo perusahaan-perusahaan Amérika lan Éropah. Para kritikus uga nganggep IMF ora perduli marang dhémokrasi, hak asasi manungsa lan hak-hak buruh. Kritik-kritik iki uga kanthi ora langsung marakaké timbulé obahan antiglobalisasi. Sabagéyan liyané duwé anggepan IMF ora duwé power kang cukup kanggo dhémokratisasikaké nagara kang duwé dhaulat, lan uga ora duwé power kanggo njurung stabilitas finansial. Para kritikus kang njurung IMF duwé pendhapat yèn kastabilan ékonomi diperlokaké sadurungé anané dhémokrasi.

Para nimpuna ékonomi ngritik pola pawènèhan bantuan finansial kang mesthi dièmbèl-èmbèli "syarat", kalebu uga Structural Adjustment Programmes. Syarat-syarat iki mudhunaké kastabilan sosial, kang uga ateges nyendhet tujuan-tujuan IMF. IMF matesi perékonomian nagara donya ngrembaka knthi cara nentang pangembangan infrastruktur lan njaluk nagara iku kanggo urip kanthi standar kang asor.

Pranala njaba[besut | besut sumber]