Hikayat Phileas Fogg

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Hikajat Phileas Fogg ing basa Jawa

Hikayat Phileas Fogg utawa Hikajat Phileas Fogg iku pertalan ing basa Jawa saka karya sastra Prancis Le Tour du monde en 80 jours utawa Le Tour du monde en quatre-vingts jours karangan Jules Verne. Ukara basa Prancis iki tegesé Ngubengi Donya sajroning 80 Dina. Buku ini pisanané dibabar mawa basa Prancis ing taun 1873 lan ing basa Jawa ing taun 1889. Sajroning buku iki dicritakaké kepriyé ana sawijiningé priyayi Inggris anama Phileas Fogg toh-tohan dhuwit £20.000 karo kanca-kacané ing Klub Reform, London yèn dhèwèké saguh ngubengi donya ing wanci 80 dina. Banjur karo réwangé sing lagi waé ditampa, Jean Passepartout, Fogg nyoba ngubengi donya ing wanci sing wis ditemtokaké iki.

Ringkesan[sunting | sunting sumber]

Crita iki awalé ing London ing tanggal 2 Oktober 1872. Phileas Fogg iku sawijining priyagung Inggris sing uripé ndhéwé ing omahé sing alamaté ana ing Saville Row nomer 7 ing Burlington Gardens. Senadyan dhèwèké sugih banget, wong-wong ora ngerti dhuwité asalé saka ngendi. Fogg diarani sawijining wong prasaja nglakoni kabèh barang sacara persis lan tepat. Fogg iku anggota Klub Reform.

Sawisé ngetokaké réwangé sing lawas ajeneng James Foster. James Foster diwetokaké amerga dhèwèké nyaosi bendarané banyu cukur mawa temperatur 84 derajat Fahrenheit lan dudu 86 kaya samesthiné. Banjur Fogg nampa réwangé sing anyar sing asalé saka Prancis: Jean Passepartout.

Banjur ing dina sing padha iku, Fogg udur-uduran saha dhiskusi mawa kanca-kancané ing Klub Reform perkara sawijining artikel sing diemot ing koran The Daily Telegraph, ing kono katulis yèn saiki wong bisa ngubengi donya ing 80 dina amarga ing India wis ana jalur sepur lintas negara.

Péta panglelanan

Jadwal panglelanan sing diajokaké

London menyang Suez sepur lan baita 7 dina
Suez menyang Bombay baita 13 dina
Bombay menyang Calcutta sepur 3 dina
Calcutta menyang Hong Kong baita 13 dina
Hong Kong menyang Yokohama baita 6 dina
Yokohama ke San Francisco baita 22 dina
San Francisco menyang New York baita 7 dina
New York menyang London sepur lan baita 9 dina
Gunggung 80 dina