Hendra Gunawan (juru lukis)

Saka Wikipédia Jawa, bauwarna mardika basa Jawa
Hendra Gunawan

Hendra Gunawan punika satunggaling seniman Indonésia mliginipun babagan seni lukis ingkang wiyos ing tanggal 11 Juni 1918 ing Bandung, Jawa Kulon. Lajeng wafaf nalika tanggal 17 Juli 1983 ing Denpasar, Bali [1]. Nalika wiyosipun Hendra Gunawan punika ing masa papréntahan Walanda, saéngga kesempatan kanggé pikantuk pendidikan formal punika winates sanget. Nanging Hendra Gunawan pikantuk kabegjan piyambak amargi naté ngangsu kawruh pendidikan formal dhateng Wahdi. Wahdi punika kawéntar satunggaling ahli lukis ingkang kathah ngasilaken karya sesawangan [2].

Wonten ing mriku Hendra Gunawan pikantuk kathah ngèlmu pangetahuan ing babagan seni lukis. Kajawi nglukis Hendra Gunawan ugi nyinau babagan seni drama. Lajeng nggabung wonten ing kelompok sandiwara Sunda nanging wonten ing kelompok sandiwara mau Hendra Gunawan langkung fokus dados pelukis dekorasi panggung [2].

Karir nglukis[besut | besut sumber]

lukisan karyanipun Hendra Gunawan

Pepanggihanipun kaliyan Affandi [2] dados fase lan sumber inspirasi kanggé dados pelukis. Kanthi niyat ingkang tulus lan ageng, ugi kanthi modal pensil, kertas, kanvas, lan cat Hendra Gunawan wiwit damel karya. Komunitasipun ugi ndhèrèk njurung supados lukisanipun dados wonten pangembangan. Kuwantunanipun Hendra Gunawan lajeng damel Sanggar Pustaka Sunda nalika taun 1940-an sareng pelukis Bandung lan naté ngawontenaken pameran sareng [1].

Nalika taun 1947, Hendra Gunawan damel sanggar Pelukis Rakyat sareng kancanipun. Saking sanggar punika kathah medalaken pelukis ingkang cekap kondhangipun kados ta Fajar Sidik lan G. Sidharta. Kajawi nglukis, Hendra Gunawan ugi dados pematung. Asilipun patung watu Jenderal Sudirman ing plataran gedung DPRD Yogyakarta [1].

Masa Perjuangan[besut | besut sumber]

Para seniman gadhah cara piyambak kanggé nedahaken raos nasionalisme sarta tresnaning marang nagari Indonésia. salah satunggaling wujud perjuangan ingkang dipunadani déning para seniman inggih punika nambah semangat juang lan ngobaraken gelira perjuangan ing jiwaning bangsa Indonésia. Awit saking punika wonten lukisan ingkang nggambaraken pengalaman nalika perjuangan kala rumiyin. Karyanipun inggih punika Pengantin Revolusi'[1][2].

Amargi mihak dhateng rakyat, Hendra Gunawan naté mlebet kunjara 13 taun antawisipun taun 1965 dumugi 1978 amargi kecathet dados salah satunggal tokoh Lekra. Nalika dipunpenjara Hendra Gunawan taksih trus nglukis kanthi ngginakaken warna-warna natural ngginakaken kanvas ukuran ageng[1].

Ugi pirsani[besut | besut sumber]

Pratélan Seniman Indonésia

Cathetan suku[besut | besut sumber]

  1. a b c d e [1] Archived 2009-06-04 at the Wayback Machine. (id) Tokoh Hendra Gunawan (dipun-akses tanggal 11 Januari 2013)
  2. a b c d [2] Archived 2013-05-07 at the Wayback Machine. (id) Lukisan Hendra Gunawan (dipun-akses tanggal 11 Januari 2013)