Hendarman Supandji

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Hendarman Supandji
Hendarman Supandji

Mangsa jabatan
9 Mei 2007 – 24 September 2010
Pejabat sadurungé Abdul Rahman Saleh
Pengganti Darmono (Plt.)

Lair 6 Januari 1947
Klaten, Jawa Tengah
Kabangsan Indonesia
Almamater Universitas Diponegoro
Agama Islam

Hendarman Supandji (lair ing Klaten, Jawa Tengah, 6 Januari 1947; umur 67 taun) inggih menika Jaksa Agung ing Kabinet Indonésia Bersatu minangka gantosipun Abdul Rahman Saleh nalika Reshuffle kabinet II tanggal 7 Mei 2007.[1] Sadèrèngipun Hendarman njabat dados Jaksa Agung Muda Pidana Khusus ing Kejaksaan Agung.[2]

Panjenenganipun naté pikantuk bebingah minangka "Pegawé ingkang sregep lan jujur" saking Kepala Kejaksaan Inggil Kalimantan Wétan nalika taun 1970-an menika naté tugas ing Kejaksaan Negeri Jakarta Pusat (1979-1981), Pusat Operasi Intelijen Kejaksaan Agung (1982-1983), Atase Kejaksaan ing KBRI Bangkok (1990-1995), Asisten Perdata lan TUN ing Kejati Palembang (1996-1997), Staf khusus Jaksa Agung (1998), Kepala Biro Keuangan Kejaksaan Agung (1998-2002), Jaksa tinggi ing Yogyakarta, lan Sekretaris Jaksa Agung Muda Pengawasan sadèrèngipun kapilih dados JAM Pidsus 25 April 2005.[1]

Nalika tanggal 4 Mei 2005, Hendarman dipunlantik déning Présidhèn Susilo Bambang Yudhoyono minangka Ketua Tim Pemberantasan Tindak Pidana Korupsi (Timtastipikor).[1] Tim menika nggadhahi anggota cacahipun 48 tiyang saking Polri, Kejaksaan Agung (Kejagung), lan BPKP lan dipunjangkepi penasehat saking Jaksa Agung, Kapolri, lan Kepala BPKP ingkang dunungipun ing sangandhapipun lan nggadhahi tangung jawab langsung dhateng présidhèn.[1]

Tugasipun TimTasTipikor sacara umum kaserat wonten ing Keputusan Presiden (Keppres) Nomor 11 Taun 2005.[1] Wonten ing Keppres menika dipunsebataken, tugas TimTasTipikor inggih menika ngawontenaken panyelidhikan, panyidhikan, lan panuntutan jumbuh kaliyan paugeran hukum acara pidana ingkang kanggé tumrap kasus lan utawi indhikasi tindak pidana korupsi.[1] Salajengipun madosi lan nyekel pelaku ingkang dipundugi ngawontenaken tindak pidana korupsi sarta nalusuri lan ngamanaken sedaya asétipun tujuanipun supados arta korupsi kasebat dipunwangsulaken.[1]

Cathetan Suku[sunting | sunting sumber]

  1. ^ a b c d e f g (id)Hendarman Supandji dipunundhuh tanggal 22 September 2011)
  2. ^ (id)Hendarman Supandji dipunundhuh tanggal 22 September 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Pranala Njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Hendarman_Supandji&oldid=832769"