Helene

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Helene saking Troya déning Evelyn de Morgan (1898, London); Helene dipungambaraken nembé ngaca wonten ing pangilon ingkang kahiasi ukiran telanjang dewi Afrodit.

Helene (Basa Yunani : Ἑλένη, Helénē) utawi ingkang langkung kawéntar kanthi nama Helene saking Troya lan Helene saking Sparta menika satunggaling tokoh wanita ingkang kondhang ing mitologi Yunani [1].

Tiyang sepuhipun menika Tindareus lan Leda lan sedhèrèk saking Kastor, Polideukus, lan Klitemnestra [2], ananging bapak biologisipun menika dewa Zeus ingkang merkosa Leda kanthi wujud kewan banyak (angsa). Ing versi sanèsipun, Helene menika laré èstri saking Zeus lan dewi Nemesis. Helene wiyos saking tigan lan kalebet sedhèrekipun Klitaimnestra lan Dioskuri (Kastor lan Polideukes). Helene menika kagungan praupan ingkang ayu, ugi wonten ing mitologi menika Helene kasebut minangka wanita paling ayu ing donya saengga kathah raja ing Yunani ingkang remen, ananging ing pungkasan Helene menika kagarwa Menelaos saking Sparta. Paris satunggaling pangeran Troya mbeta kesah Helene saking Sparta saéngga damel Menelaor murka ugi Troya dipunserang déning para raja ing Yunani lan kedadosan Perang Troya. Sasampunipun Troya risak, Helene kondur malih dhateng Sparta sesarengan kalihan garwanipun.

Cathetan paling tua babagan Helene menika wonten ing sajak-sajak karyanipun Homeros lan mitos babagan Helene saged ugi asalipun saking Zaman Mykenai. Ing Yunani Kuno, Helene ugi dipunsembah wonten ing kuil lan suaka. Pusat kanggé muja Helene menika wonten ing Sparta. Lajeng cariyos kesahipun Helene kalihan Paris menika dados tema ingkang kondhang ing seni visual. Panggambaranipun asring medal wiwit saking lukisan guci Yunani Kuno dumugi lukisan nalika masa Renaisans.

Asal mula[sunting | sunting sumber]

Mitos Helene menika asalipun saking Zaman Mykenai. Cathetan paling tua babagan Helene menika wonten ing sajak-sajak karyanipun Homeros, ananging para sejarawan kagungan pamanggih bilih mitos kasebut dipuntampi dening Bangsa Yunani Mykenai saderengipun dugi dhateng Homeros. Wonten ing mitologi, papan wiyosipun Helene menika wonten ing Sparta nalika Zaman Pahlawan ingkang kathah medal wonten ing mitologi Yunani. Zaman Pahlawan ingkang dipunpitadosi dening tiyang Yunani Kuno ingkang samenika dipunwastani zaman Perunggu Mykenai dening para sejarawan. Para raja, ratu, lan pahlawan ing Siklus Troya asring sesambetan kalihan para dewa amargi asal-usuling mitos ingkang paring derajad langkung inggil ing para leluhur pahlawan bangsa Yunani.

Pagesangan[sunting | sunting sumber]

Wiyos[sunting | sunting sumber]

Saking kathah sumber, kalebet Iliad lan Odisseia Helene menika lare estri Zeus lan Leda, garwa Raja Sparta, Tindareus [3][4][5][6][7][8]. Sandiwara karyanipun Euripides, Helene dipunserat nalika pungkasan abad kaping 5 SM dados sumber paling tua ingkang nyariosaken wiyosipun Helene bilih : sanajan bapakipun menika Tindaerus, ananging Helene menika putri Zeus. Kanthi wujud banyak (angsa), Zeus dipunuyak dening manuk elang lan dipunslametaken déning Leda. Sasampunipun celak kalihan Leda banjur dipunperkosa. Leda nglairaken satunggal tigan ingkang dados Helena.

Cathetan suku[sunting | sunting sumber]

  1. ^ [1] (id) Helene (dipunakses tanggal 26 Januari 2013)
  2. ^ [2] (id) 5 Hasil rampasan dari peperangan (dipunakses tanggal 26 Januari 2013)
  3. ^ Homeros, Iliad, III, 199
  4. ^ Homeros, Iliad, 418
  5. ^ Homeros, Iliad, 426
  6. ^ Homeros, Odisseia, IV, 184
  7. ^ Homeros, Odisseia, IV, 219
  8. ^ Homeros, Odisseia, XXIII, 218
Sumber artikel punika saking kaca situs web: "http://jv.wikipedia.org/w/index.php?title=Helene&oldid=836347"