Hans Frank

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
HFrank.jpg

Hans Frank (lair ing Karlsruhe, Baden, Jerman, 23 Mei 1900 – tilar donya ing Nuremberg, Jerman, 16 Oktober 1946 kanthi umur46 taun) yaiku pengacara kanggo parte Nazi sadawane taun 1920-an lan pejabat senior ana ing Jerman Nazi.[1][2] Merga mangsa jabatane dadi Gubernur Jenderal ana ing Daerah Pendudukan Polandia, dheweke dituntut ana ing pengadilan Nurnberg kanggo peranane nalika nglaksanakake Holocaust, lan dituntu salah kanggo kasus mateni wong Polandia lan Yahudi Polandia, lan dieksekusi nalika 16 Oktober 1946.[1][2] Hans Frank melu ana ing PD I, sinau ekonomi lan yurisprudensi, lan nalika taun 1921 dheweke melu gabung ana ing Parte Buruh Jerman (cikal bakal Nazi).[1] Pungkasane dheweke dadi penasihat resmi ketua partai lan pengacara pribadi Hitler.[1] Sawise Nazi dadi penguasa ing Jerman taun 1933, Frank diwenehi jabatan kang maneka werna kalebu uga dadi presiden Reichstag lan menteri kehakiman ana ing pemerintahan Nazi.[1] Sawise serangan Jerman marang Polandia taun 1939, Frank diangkat dadi gubernur jenderal, lan dadi ketua agung administrasi sipil daerah pendudukan Polandia.[1] Sawijining wing kang melu nyengkuyung paham rasis Nazi, Frank menehi prentah kanggo eksekusi jutaan wong saka Polandia, nyita gedhe-gedhenan aset saka negara Polandia, perbudakan yutaan buruh Polandia kang dikirim nganggo kapal menyang Jerman, lan ngumpulake saperangan wong Yahudi Polandia menyang ghetto lan dheweke tetep dadi gubernur jendral nganti sarampunge perang.[1] Dheweke banjur ditangkep dening Pasukan Amerika Serikat nalika taun 4 Mei 1945, lan didakwa menyang pengadilan sadurunge Pengadilan Militer Internasional ing Nuernberg.[2] Dheweke dianggep salah merga nglakokake kejahatan perang lan kamanungsan. Nalika tanggal 1 Oktober 1946 dheweke divonis ukuman gantung.[2]

Pranala Njaba[sunting | sunting sumber]


Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Hans_Frank&oldid=832373"