Handeuleum

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Graptophyllum pictum
G. pictum
Klasifikasi èlmiah
krajan: Plantae
(unranked): Angiospermae
(unranked): Eudicots
(unranked): Asterids
ordo: Lamiales
kulawarga: Acanthaceae
Genus: Graptophyllum
Species: G. pictum
Jeneng binomial
Graptophyllum pictum
(L.) Griff.
Sinonim

Justicia picta L.

Handeuleum utawa godhong wungu [1] (Graptophylum pictum Grift) iku tanduran perdhu kang kalebu suku Acanthaceae. [2] Tanduran iki ngadeg jejeg lan padatan thukul ing panggonan kang cendhek. Sok-sok tanduran iki ditandur minangka tanduran hias. Dhuwuré tanduran iki watara 1,5 nganti tekan 3 meter. Godhongé awarna ungu lan ana gelombang ing sakupengé pinggiran godhongé. Kembangé awarna abang tuwa lan awujud bulir-bulir. Tanduran handeuleum iki kasebar ing saambané Indonésia.

Handeuleum nduwèni kandhutan dat tanin, alkaloid, lan sitosterol glikosida.[1] [3] Mupangaté handeuleum yaiku bisa ngobati wong kang ora bisa ngising, ambeien, lara bisulen, lara panas amarga ana reregedan sajroning weteng, watu empedu, lang nglancaraké nalika haid. Saliyané iku, handeuleum uga bisa kanggo ngobati lara aboh amarga kathuthuk lan bisa ngobati lara rématik.[4] Kanthi cara empiris, godhong handeuleum uga bisa dienggo kanggo ngobati lara tatu amarga tiba lan kanggo ngobati lara radhang. Kandhutan senyawa kimia kang dinuga bisa ndadèkaké èfèk iku yaiku turunan saka senyawa fenol.

Urut-urutaning morfologi[sunting | sunting sumber]

Shape: Aristate

Margin: Undulate

Venation: Reticulate

(Variegated)

Cathetan sikil[sunting | sunting sumber]

  1. ^ a b (Basa Indonésia)www.warintek.ristek.go.id Handeuleum (kaundhuh tanggal 10 Agustus 2011)
  2. ^ (Basa Indonésia)www.jendela-alam.com Handeuleum (kaundhuh tanggal 10 Agustus 2011)
  3. ^ (Basa Indonésia)digilib.litbang.depkes.go.id Pemeriksaan Senyawa-senyawa Turunan Fenol Daun Handeuleum (Graptophyllum pictum (L)Griff (kaundhuh tanggal 10 Agustus 2011)
  4. ^ (Basa Indonésia)Wijayakusuma, Hembing. 2006. Resep Alami dari Pakar Herbal Atasi Asan Urat dan Rematik Ala Hembing. Jakarta: Puspa Swara. ISBN 979-24-4807-1

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Handeuleum&oldid=831822"