Hanbok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Hanbok kang diagem Raja lan Ratu Min Gojong nalika simulasi pahargyan penganten ing Istana Unhyeongung

Hanbok yaiku sandhangan tradhisional Korea kang uga diarani minangka sandhangan sang angin.[1]

Garis-garis lan lekukan-lekukane kang alus yen disawang pancen kaya angin.[1] Wong Korea asring nganggo tembung baram utawa angin kanggo nggambarake rasa bungah kayata nalika wong ketaman asmara.[1] Angin minangka pralambang kamardhikan, tanpa bobot, lan bisa mabur sakarepe dhewe. [1] Sejatine,hanbok kasusun saka jeogori (jaket) lan baji (kathok dawa).[2] Iki nuduhake kahanane Scythian Lor. Hanbok kanggo wong wadon beda karo hanbok wong lanang. Hanbok wong wadon iku kasusun saka rok lan ndhuwuran klambi kang memper karo bolero. Hanbok uga padatan diarani chimajeogori, chima tegese rok, lan jeogori tegese jaket. Dene hanbok kanggo wong lanang iku nganggo jaket cendhak lan clana dawa sing diarani baji.

Bageyan hanbok[sunting | sunting sumber]

Bageyan-bageyane hanbok,yaiku:[1]

  1. Jeogori,yaiku bageyan ndhuwuring hanbok. Jeogori kanggo wong lanang lan wadon iku beda. Kanggo wong lanang ukurane luwih gedhe lan ringkes, dene kanggo wong wadon rada cekak lan ditandhani dening garis lengkung lan dekorasi kang alus.
  2. Deong Jong, yaiku kerah kang wernane putih.
  3. Otgoreum,yaiku pita kang dianggo ing hanbok kanggo wanita kang malang nganti tekan rok (chima).
  4. Chima, yaiku rok kang ana ing hanbok. Jinising chimaiku maneka werna, ana sing tunggal lan ana sing rangkep.
  5. Pola, yaiku gambar utawa garis lan uga campuran werna.



Cathetan suku[sunting | sunting sumber]

  1. ^ a b c d e (id)Hanbok – Pakaian Sang Angin (dipuntingali 26 Juli 2011)
  2. ^ (en)Hanbok (dipuntingali 26 Juli 2011)
Sumber artikel punika saking kaca situs web: "http://jv.wikipedia.org/w/index.php?title=Hanbok&oldid=831248"