Hakama

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Miko ngagem hakama
Mahasiswi ngagem furisode lan hakama nalika wisuda

Hakama (?) inggih menika busana utawi rasukan njawi tradisional Jepang [1]. Rasukan menika ingkang dipunagem kanggé nutupi pinggang dumugi mata suku (mata kaki). Hakama kaginakaken minangka busana andhapan lan kalebet busana resmi tiyang jaler nalika dugi ing adicara formal kados upacara ngunjuk teh, pesta nikahan, lan seijin shiki. Laré jaler ngginakaken Hakama nalika ngrayakaken Shichi-Go-San. Montsuki ingkang dipunagem sareng kalihan hakama lan haori kalebet setelan busana pengantèn pria tradisional. Wonten ing kalangan olahraga béla dhiri tradisional kados [kendo]], aikido, lan kyūdō[2], hakama dipunagem dening tiyang jaler lan wanita. Nalika nembe boten gulat, pesumo ngginakaken kimono lan hakama nalika medal ing umum. Ing kalangan Shinto, setelan kimono lan hakama menika busana resmi kannushi lan miko.

Bentuk Hakama[sunting | sunting sumber]

Hakama kadamel saking kalih lembar kain polos awujud trapesium. Bagéyan ngajeng diploi, 3 saking sisih kiwa, lan 3 saking sisih kanan. Bagéyan wingking boten diploi, ananging dipunperang dados bagéyan kiwa lan tengen. Kain bagéyan ngajeng lan wingking saking pinggang dumugi dengkul boten dipunjait lan ingkang dipunjait namung saking bagéyan dengkul mangandhap. Ing kain bagéyan wingking wonten koshi-ita ingkang awujud trapesium saking papan utawi kain ingkang atos kalapis kain malih. Ing ngandhapipun koshi-ita kajangkepi kalihan sendok sepatu mawi ukuran ingkang alit ingkang dipunsebat hera. Ginanipun kagem dipunselipaken ing obi supados hakama boten mlorot. Kanggé damel supados Hakaman dados kenceng ngginakaken sekawan tali, kalih tali ingkang langkung dawa mapan wonten ing bageyan ngajeng kiwa lan tengen. Lajeng kalih tali ingkang langkung cendhak wonten ing bagéyan wingking kiwa lan tengen.

Jinis Hakama[sunting | sunting sumber]

  • Umanoribakama (馬乗袴?)
  • Andonbakama (行灯袴?)
  • Machiaribakama (襠有袴?)
  • Nobakama (襠有袴?)

Sajarah[sunting | sunting sumber]

Sanajan samenika dipunginakaken dening tiyang jaler lan èstri, hakama dumugi zaman edo namung dipunagem déning tiyang jaler [3]. Tiyang jaler zaman Yayoi ngagem busana bagéyan ngandhap kados kathok dawa. Saking situs arkeologi dipunpanggihaken haniwa ingkang ngagem busana kados kathok. Hakama ingkang dipunmangertosi tiyang samenika asalipun saking kathok ingkang dipunginakaken samurai nalika zaman Kamakura. kala menika wonten manéka model hakama, ing antawisipun menika umanoribakana kagem nitih turangga, nobakama, lan hakama kagem kendo.

Tradisi mahasiswi ngagem koburisode lan hakama nalika nglampahi wisuda menika kalebet tilaranzaman Meiji.[4] Kala menika, tiyang estri wiwit pikantuk sekolah lan ngagem kimono nalika tindak dhateng sekolah. Nalika lenggah ing kursi, bagéyan ngandhap kimono dados boten tumata rapi. Kementerian Pendidikan Jepang nalika damel sekolah wanita damel ketetapan setelan kimono lan hakama ingkang rumiyin namung dipunagem tiyang jaler, samenika ugi kagem tiyang èstri lan guru minangka sragam.[4]

Cathetan suku[sunting | sunting sumber]

  1. ^ (id) Hakama, (dipunakses tanggal 9 Februari 2013)
  2. ^ (id) Memahami makna hakama dalam latihan kita, (dipunakses tanggal 9 Februari 2013)
  3. ^ (id) Hakama, (dipunakses tanggal 9 Februari 2013)
  4. ^ a b "袴 (Hakama)". 日本文化いろは事典. http://iroha-japan.net/iroha/B01_clothes/16_hakama.html.

Pranala njawi[sunting | sunting sumber]

Logo Wikimedia Commons
Pirsani galeri bab Hakama ing Wikimedia Commons.

Gakuin)

Sumber artikel punika saking kaca situs web: "http://jv.wikipedia.org/w/index.php?title=Hakama&oldid=836319"